«Bıylǵy qyrkúıekte Kardıologııa jáne ishki aýrýlar ǴZI medısınalyq qyzmet kórsetýdiń joǵary sapasy men pasıentterdiń qaýipsizdik deńgeıiniń kórsetkishi bolyp sanalatyn JSI halyqaralyq akkredıtteýin alǵan bolatyn. Ulttyq akkredıtteý bizdiń klınıkanyń halyqqa medısınalyq qyzmet kórsetýi deńgeıiniń joǵary ekendigin dáleldedi. 2018 jyly ınstıtýtqa Ulttyq akkredıtteýdiń birinshi sanaty berildi. Ujym qyzmetkerleriniń 3 jyl boıǵy kúndelikti tynymsyz eńbegi joǵary sanatty alýǵa múmkindik berdi», deıdi Kardıologııa jáne ishki aýrýlar ǴZI Basqarma tóraǵasy Roza Qýanyshbekova.
«Densaýlyq saqtaý salasyndaǵy syrtqy keshendi baǵalaý jónindegi sarapshylar men konsýltanttardyń» QB 5 qazannan 9 qazanǵa deıin klınıka qyzmetine baǵalaý júrgizdi. Ulttyq standarttar boıynsha uıymdaǵy barlyq bólimsheler men prosester baǵalanady. Olar: strategııalyq jáne operasııalyq josparlaý, emdeý jáne pasıentterge kútim jasaý, pasıentterdiń, ǵımarattyń qaýipsizdigi, ınfeksııalyq baqylaý, sapany, qaýipterdi jáne resýrstardy basqarý, pasıentterdiń quqyǵyn saqtaý, halyqpen jumys júrgizý, kadr saıasaty.
«2020 jyly biz Qazaqstannyń eń úzdik kásiporny atandyq, sol jyly bizge tıisti klınıkalyq praktıka (GCR) standartyna sáıkestik sertıfıkaty berildi. Halyqqa kómek kórsetý úshin básekelestik medısınalyq qyzmet kórsetýdi arttyrýdyń tıimdi tetigi. Tabystyń negizgi faktory, eń aldymen, adamı kapıtal bolyp tabylady. Bizdiń dárigerler jetekshi sheteldik klınıkalarda bilim aldy jáne áli de bilim alyp jatyr. Biz oqytý, tájirıbe almasý arqyly praktıkalyq jáne teorııalyq daǵdylardyń joǵary deńgeıine umtylamyz. Kórsetiletin medısınalyq qyzmettiń sapasyn arttyrý úshin únemi jumys isteımiz», deıdi klınıka basshysy.
Akkredıtteý medısınalyq uıymnyń bekitilgen sapa standarttaryna sáıkestigin dáleldeıdi. Sondyqtan medısına uıymynyń mundaı sertıfıkatynyń bolýy sapa men pasıentter senimin bildiredi.
