Atalǵan sport jarysynda Qyrǵyzstan, Túrkimenstan, О́zbekstan syndy Azııa elderimen qatar, kórshiles Reseı eliniń sportshylary da baq synasty.
Saıa Áýelbekova sportpen 17 jasynan bastap aınalysyp keledi. Búginge deıin jetken jetistikteri de az emes: erkin kúresten sport sheberi, sambo boıynsha sport sheberine úmitker.
«Bul – jekpe-jekten jarysqa birinshi shyǵýym. Osy jarysta úlken tájirıbe alyp, ózimdi jańa qyrymnan tanı bastadym. Bul saıys maǵan álem chempıonatyna joldama berdi jáne meniń jańa jetistikterimniń bastaýy bolady dep úmittenemin. Komandır Jánibek Muhamedjanovqa úlken raqmet, onyń jarysqa daıyndaýdaǵy erekshe nazarynyń arqasynda joǵary kórsetkishterge qol jetkizip kelemiz», deıdi Jyldam qımyldaıtyn arnaıy jasaq ınspektory Saıa Áýelbekova.
Aldaǵy jarys budan joǵary jaýapkershilikti qajet etetinin polısııa kapıtany jaqsy túsinedi. Sondyqtan qazir ol álemdik jarysqa daıyndyqty qyzý bastap ketti.
