Aımaqtar • 12 Qarasha, 2021

Ekpe alǵan mıllıonynshy almatylyq

34 ret kórsetildi

Qazirgi tańda Almaty qalasynda koronavırýsqa qarsy ekpe alǵandar sany mıllıonǵa jetip jyǵylsa, mıllıonynshy bolyp ekpe alǵan azamat – №22 qalalyq emhanaǵa tirkelgen 29 jastaǵy Samal Oqapova. Ol BSS syrqatyna shaldyqsa da, densaýlyǵy úshin ekpe saldyrǵan.

«Vaksınany óz erkimmen aldym. Eshkim meni májbúrlegen joq. Tańerteń emhanaǵa kelip, ekpe alǵannan keıin jarty saǵat boıy dárigerlerdiń qaraýynda boldym. Allergııa, basqa da keri áseri bola ma dep oılap edim, eshteńe baıqalmady. Qazir ózimdi jaqsy sezinip júrmin. Oılamaǵan jerden vaksına alǵan qalanyń mıllıonynshy turǵyny bolǵanyma qýanyshtymyn. Ár adam azamattyq paryzy retinde ekpe alǵany durys», deıdi kóńili jaılanǵan Samal.

Almaty qalasynda 7 qarashaǵa deıin 1-komponentti 1 002 324 adam, 2-kom­ponentti 940 084 adam aldy. Vaksına alǵandardyń ishinde 60 jastan asqan qart kisiler 121 018 adamdy quraıdy.

Búginde qaladaǵy medısınalyq uıymdarda, mektepterde, mádenıet jáne sport nysandarynda, bazarlar men saýda oıyn-saýyq ortalyǵynda 137 egý pýnkti jumys isteıdi. Bul rette vaksınalaý pýnktin­de sýyq tizbektiń rejimin saqtaý qatań baqylanady, bul vaksınanyń tıimdiligine áser etedi. Sonymen birge Pfizer vaksınasyn alýǵa daıyndyq jumystary júrgizilip jatyr. Iаǵnı muzdatqyshty oryndar daıarlanyp, logıstıka jáne vaksınalardy saqtaý algorıtmderi pysyqtaldy, ár kezeńde jaýapty tulǵalar anyqtaldy. Oǵan qosa medısınalyq qyzmetkerler oqytylýda. Qala ákimdigi ekpe qarqynyn odan ári arttyrý jumystaryn jalǵastyrdy. Aıtalyq, 10 qarashada 1-komponentpen 1 468 adam, 2-komponentpen 2 030 adam vaksınalandy.

Búgingi tańda Almatynyń medısına uıym­darynda, mádenıet, sport obekti­lerin­de, bazarlarda jáne qalanyń SOSO-da 132 vak­sınalaý pýnkti jumys isteıdi. 205 vak­sı­nalaý brıgadasynda 733 medısına qyzmetkeri jumyldyrylǵan.

 

ALMATY

 

Sońǵy jańalyqtar

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar