Álem • 12 Qarasha, 2021

Ulybrıtanııa jańa vaksınany synaqtan ótkize bastady

140 ret

kórsetildi

1 mın

oqý úshin

Oksford ýnıversıteti ázirlegen Ebola vırýsyna qarsy jańa vaksına klınıkalyq synaqtan ótkizile bastady, dep habarlaıdy Egemen.kz.

Gaýhar QAPASh

Ulybrıtanııa jańa vaksınany synaqtan ótkize bastady

Bul týraly Daily Mail saıty málimdedi.

Vaksına vırýstyń órshýine sebep bolatyn zaır jáne sýdan túrlerine qarsy kúresý úshin jasalǵan.

Jańa vaksına genetıkalyq túrlendirilgen vırýstyń álsiregen nusqasyna negizdelgen, sondyqtan onyń adam aǵzasynda kóshirmesi paıda bolýy múmkin emes. Bul ádis koronavırýsqa qarsy Oxford/AstraZeneca vaksınasyn jasaý kezinde sátti qoldanyldy.

Synaqtyń birinshi kezeńinde 18-55 jas aralyǵyndaǵy 26 adam vaksınanyń bir dozasyn alyp, alty aı boıy baqylaýda bolady. Nátıjeler 2022 jyldyń ekinshi toqsanynda jarııalanady.

«Ebola vırýsynyń kezdeısoq órshýi áli de zardap shekken elderde bolyp jatyr, bul adamdardyń, ásirese aldyńǵy qatardaǵy medısına qyzmetkerleriniń ómirine qaýip tóndiredi. Bul joıqyn aýrýmen kúresý úshin bizge kóbirek vaksına qajet», dedi Oksford ýnıversıtetiniń jetekshi ǵylymı zertteýshisi Tereza Lambe.

Ǵylymda Ebola vırýsynyń tórt túri belgili ekeni aıtylady. Olardyń ishinde zaır nusqasy - eń qaýiptisi, bul jaǵdaılardyń 70-90 paıyzynda ólimge ákeledi.

Eske salaıyq, Ebola vırýsyn juqtyrǵandar sany boıynsha eń úlken indet Batys Afrıkada 2014-2016 jyldary bolǵan. Zardap shekkender sany 11 myńnan asty.