Ekologııa, geologııa jəne tabıǵı resýrstar vıse-mınıstri Ahmetjan Pirimqulov partııalyqtardy «Jasyl Qazaqstan» ulttyq jobasyn júzege asyrý jospary týraly habardar etti. Onyń aıtýynsha, sýarý kezindegi sý shyǵynyn qysqartý úshin 401 kanaldy rekonstrýksııalaý jəne taǵy 212-sin sıfrlandyrý josparlanyp otyr.
«Syrdarııa ózeniniń problemalaryn sheshý jəne Aral teńiziniń soltústik bóligin saqtaý jumystaryn jalǵastyramyz. 4 kól - Býrabaı, Shortandy, Qopa, Shalqar qalpyna keltiriledi. Turmystyq qatty qaldyqtardy kədege jaratý úlesi qaldyqtardy energetıkalyq ýtılızasııalaý nysandaryn salý esebinen 18-den 34%-ǵa deıin ósedi. Jalpy, ulttyq jobany iske asy-rý arqyly 60 myńǵa jýyq jumys orny ashylady», dedi vıse-mınıstr.
Vedomstvonyń qaldyqtardy óńdeýge qatysty kemshilikterine Keńes tóraǵasynyń orynbasary, Məjilis depýtaty Edil Jańbyrshın nazar aýdardy. Onyń aıtýynsha, kóptegen óńirde qoqysty bólek jınaý prosesi jolǵa qoıylmaǵan. «Bizdegi turmystyq qatty qaldyqtardy jınaý jəne tasymaldaý operatorlary, polıgondardyń ıeleri jəne qaıta óńdeýshi kompanııalar bir-birinen múldem bólek salada jumys istep jatqandaı. Quramynda synaby bar qaldyqtardy jınaýǵa ar nalǵan konteınerlerdiń jaǵdaıy she? Kezinde mundaı konteınerler Aqtaýda qoıylyp edi. Biraq olar əldeqashan synǵan. Mundaı qaldyqtar qazir qaıda tasymaldanady, olardy kim joıady? Tek konteıner ornatýmen məsele sheshilmeıdi», dedi E.Jańbyrshın.
Sonymen qatar Keńes múshesi, Məjilis depýtaty Dúısenbaı Turǵanov Jaıyq ózeniniń jaıyn qozǵady.
«Talqylaýmen aınalysyp kele jatqanymyzǵa 10 jyldan astam ýaqyt boldy. Əli kúnge deıin naqty is-əreket joq. Tek qana zertteý. Jaıyqty erekshe memlekettik mańyzy bar sý nysandarynyń qataryna qosýdy surap bir jyl buryn resmı saýal joldadym, biraq əli kúnge deıin eshteńe jasalmady», dedi ol.
Ekologııa mınıstrligi jumysynyń jabyqtyǵyna Nur Otan partııasynyń Batys Qazaqstan oblysyq fılıaly janyndaǵy ekokeńes tóraǵasy Darhan Sarıev nazar aýdardy.
«Qazaqstan-Reseı komıssııasynyń Jaıyq boıynsha jumysy jasyryn júrgizilýde. Eshqandaı aqparat joq. Jalpy, bizdegi sýǵa qatysty problemalar – gıdrologııalyq analıtıkanyń əlsizdiginiń saldary. Məselen, oblystaǵy jeke kompanııalardyń birinde 18 gıdrologııalyq beket bar, al memle kette búkil óńir boıynsha bar bol ǵany 20 ǵana. Olar barlyq negizgi sý nysandaryna jetpeıdi. Jerasty sýlary boıynsha da zertteýlerdiń bar-joǵy túsiniksiz», dedi D.Sarıev.
О́z kezeginde Nur Otan partııasy Qaraǵandy oblystyq fılıaly janyndaǵy ekologııalyq keńestiń múshesi Dmıtrıı Kalmykov Ekologııa mınıstrliginiń Qoǵamdyq tyńdaýlar ótkizýdiń jańa erejeleri jobasyn synǵa aldy.
«Qujat tolyqqandy qoǵamdyq tyńdaýlardy ecoportal.kz-te qaralatyn qujattarǵa birjaqty pikir bildirýge aýystyrýdy qarastyrady. Sonymen qatar munda turǵyndardyń suraq qoıýǵa jəne olarǵa jaýap alýǵa múmkindigi joq. Ýəkiletti organ azamattardyń aqparatqa jəne sheshim qabyldaý rəsimine qol jetkizý quqyqtary men múmkindikterin edəýir qysqartýdy usynatyny ereje jobasyn taldaýdan anyq kórinedi», dedi D.Kalmykov.
Otyrys barysynda nurotandyqtar partııanyń óńirlik fılıaldary janyndaǵy Ekologııalyq keńester jumysynyń aralyq qorytyndysyn shyǵardy. Mysaly, Soltústik Qazaqstan oblysynda Aıyrtaý jəne Ǵ.Músirepov atyndaǵy aýdandarda ýran ken oryndaryna qatysty məselelerdiń túıini tarqaýǵa taıaý. Qazirgi ýaqytta aýdandyq əkimdiktermen óńdelgen ýran kenishteri kommýnaldyq menshikke qabyldanyp, aýyldyq okrýgter əkimdikteriniń balansyna bekitildi. Bıyl 100 myńnan astam aǵash otyrǵyzylǵan Qyzylorda oblysynyń ekologııalyq problemalary da óz sheshimin tapty. Almaty qalasynda partııa músheleriniń belsendi jumysynyń arqasynda qoqystardy shyǵarý qolǵa alynyp, barlyq beıbereket qoqys oryndary joıyldy. Keńes tóraǵasy Eldos Abaqanov atap ótkendeı, partııanyń saılaýaldy ýədeleri aıasynda Almatyda JEO-2-ni gazǵa kóshirý jəne 1 mln aǵash otyrǵyzý qarastyrylǵan. Turmystyq qatty qaldyqtardy qaıta óńdeý jəne kədege jaratý úlesi 8-den 14%-ǵa deıin ósti.
Jıyn qorytyndysynda Ekologııa mınıstrligine birqatar usynym əzirlendi. Atap aıtqanda, «Jasyl Qazaqstan» ulttyq jobasynyń iske asyrylýyna partııalyq monıtorıngti qamtamasyz etý, qaldyqtardy basqarý salasynda ozyq tehnologııalardy odan əri engizý. Sonymen qatar Keńes Jaıyq ózeniniń problemalaryna qatysty arnaıy otyrys ótkizedi.
