Onyń aıtýynsha, elektr energııasyn tutynýdyń aǵymdaǵy deńgeıinde ońtústik óńirlerde 350 MVt qýat tapshylyǵy boljanýda.
«10 qarashadaǵy jaǵdaı boıynsha Jambyl GRES-iniń úshinshi energoblogyn qazý bastaldy. Sondaı-aq, MAES tórtinshi blogy iske qosýǵa daıyn. Bul eki blok jalpy 360 MVt qýattylyqty qamtamasyz etedi. Budan basqa, qarasha aıynda Ekibastuz 1-shi GRES jáne GRES-2-de jóndeý jumystary aıaqtalady dep boljanýda. Qarasha aıynda qosymsha óndirýshi qýat taǵy 2140 MVt-qa ósýi kerek. 9 qarashada qýaty 300 MVt Moınaq GES-indegi týrboagregattar jumysqa qosyldy», dep habarlady Áset Maǵaýov Senattaǵy Úkimet saǵaty kezinde.
Budan basqa, boljamdy tapshylyqty jabý úshin qarasha aıynda «KOREM» AQ alańynda reseılik elektr energııasyn ımporttaý boıynsha ortalyqtandyrylǵan saýda-sattyq bastaldy.
