Álem • 15 Qarasha, 2021

EO Mınsk áýejaıyna qarsy sanksııalar engizýi múmkin

240 ret

kórsetildi

1 mın

oqý úshin

Eýropa Odaǵynyń syrtqy ister mınıstrleri Belarýs Respýblıkasyna qarsy sanksııalardy keńeıtip, bul qatarǵa mıgranttardy blok shekarasyna jetkizýge qatysy bar avıakompanııalar men týrıstik agenttikterdi qosady, dep habarlaıdy Egemen.kz.

Gaýhar QAPASh

EO Mınsk áýejaıyna qarsy sanksııalar engizýi múmkin

Bul týraly Eýropa Odaǵynyń syrtqy saıasat basshysy Jozep Borrel málimdedi. Agenttik málimetinshe, EO Belarýs Respýblıkasy mıgranttardy óz aýmaǵyna kelýge shaqyryp, myńdaǵan bóligin sanksııalarǵa jaýap retinde Polsha men EO-nyń basqa kórshi memleketteri shekarasynan ótýge ıtermeleıdi dep aıyptady.

Agenttik EO avıakompanııalarǵa mıgranttardy ákelýdi qıyndatý úshin Belarýs Respýblıkasynyń basty áýejaıyna sanksııalar engizý múmkindigin qarastyryp jatqanyn atap ótti.

«Belarýs Respýblıkasyna qarsy sanksııalarymyzdyń quqyqtyq bazasyn keńeıtemiz, ony osy elge mıgranttardy zańsyz ákelýge qatysqandarǵa qoldanýǵa bolady», dedi Borrel fransýzdyq Le Journal du Dimanche gazetine.

Ol avıakompanııalar men týrıstik agenttikterdiń basshylary Eýropa Odaǵynda saparǵa tyıym salýǵa jáne aktıvterdi toqtatýǵa tap bolýy múmkin ekenin aıtty. Borreldiń aıtýynsha, daǵdarysqa qatysy bar Belarýs Respýblıkasynda 30-ǵa jýyq memlekettik qyzmetkeri de sanksııaǵa ushyraýy múmkin.