Koronavırýs • 15 Qarasha, 2021

Elordada vaksına alǵysy keletin júkti jáne emizýli analardyń qatary kóp

53 ret kórsetildi

Nur-Sultan qalasynda koronavırýsqa qarsy ekpe saldyrǵysy keletin júkti áıelder men emizýli balasy bar analardyń qatary kóp. Bul týraly Nur-Sultan qalasy qoǵamdyq densaýlyq saqtaý basqarmasynyń baspasóz hatshysy Áıgerim Ardaq málim etti, dep habarlaıdy Egemen.kz.

«Elordaǵa 35 100 doza Pfizer ekpesi jetkizildi. Atalǵan vaksınany júkti, emizýli analar jáne 12 jasqa tolǵan jasóspirimderdiń saldyrýyna bolady. Búginde qalada 5 myń júkti áıel jáne 28 myń emizýli ana bar. Sondaı-aq, 63 myń jasópirim bar (12-17 jas aralyǵynda). Pfizer ekpesin qansha adam alý kerektigine qatysty tizim jasalyp, medısına mekemelerine habarlama jiberildi. Mektepke kelsek, búginde ata-analarmen túsindirý jumystary ótip jatyr. Iаǵnı ata-analarmen synyp saǵattary, kezdesý taǵy basqa sharalar. Qazir vaksına saldyrýǵa daıyn mektepter bar, onyń tizimin keıin belgili bolady. Keıbir mektep basshylary oqýshylardyń vaksına alý prosesin kópshilikke jarııa etkenin qalamaıdy», dedi Áıgerim Ardaq tilshilerdiń suraǵyna jaýap bere turyp.

Onyń aıtýynsha, jasóspirimderge vaksına salar aldynda ata-ananyń ruqsaty bolýy mindetti.

«Pfizer ekpesi tek medısınalyq mekemelerde, emhanalarda jáne mektepte salynady. Oıyn-saýyq jáne saýda ortalyqtarynda atalǵan vaksına bolmaıdy. Pfizer ekpesiniń bir flakonyn 6 adamǵa egýge bolady. Bizge vaksına alǵysy kelip habarlasyp jatqan júkti jáne emizýli analardyń qatary kóp. О́z kezegimizde kelip túsken ótinishterdi mamandarǵa jiberip, keńes berilip jatyr» deıdi ol.

Aıta keteıik, búgin elorda da Pfizer vaksınasyn salý prosesi bastaldy. Alǵash bolyp 17 jasar astanalyq jasóspirim salǵyzdy.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar