Aımaqtar • 15 Qarasha, 2021

Oralda aıaldamalar mýzeı atymen atalady

110 ret kórsetildi

Oral qalasynda qoǵamdyq kólik aıaldamalary sol mańdaǵy mýzeıler atymen atalatyn boldy. Bul usynysty Batys Qazaqstan oblystyq tarıhı-ólketaný mýzeıiniń dırektory, Oral qalalyq máslıhatynyń depýtaty Mırbolat Ersaev usynǵan, dep habarlaıdy  Egemen.kz.

«Qaladaǵy avtobýs aıaldamalaryn mýzeı ataýlarymen ataý úlken qalalardyń tájirıbesinde bar. Bul turǵyndar men qala qonaqtaryna jergilikti týrızmdi nasıhattaýdyń bir úlgisi. Sondyqtan Oral qalasynyń mádenı nysandaryn – mýzeılerin keńirek nasıhattaý týraly kópten beri aıtyp júrgen edik» deıdi Mırbolat Bıjanuly.

Osylaısha, Oral qalasynda tórt aıaldamaǵa mýzeılerdiń ataýy berildi. N.Nazarbaev dańǵyly boıyndaǵy buryn «Oblıspolkom», «Qazaqtelekom» dep atalyp kelgen aıaldama endi Batys Qazaqstan oblysy mýzeıiniń atyn ıelendi. Dál osy jerde quny 10 mln teńgelik sý jańa jyly aıaldama da paıdalanýǵa berildi. Sondaı-aq burynǵy «Oblystyq sot» aıaldamasy – «Rýhanı jańǵyrý mýzeıi», Saraıshyq kóshesi boıyndaǵy Evrazııa ınstıtýty aıaldamasy – Sáken Ǵumarov mýzeıi jáne Mánshúk Mámetova mýzeıi dep ózgerdi.

Saraıshyq kóshesinde qazaqtyń batyr qyzy Mánshúk Mámetovanyń memorıaldyq mýzeıi ornalasqan. Bul – Alash arysy, aqyn, ulttyq baspasózdiń negizin salýshylardyń biri ári dáriger, saıası qýǵyn-súrgin qurbany Ahmet Mamytulynyń ózi turǵan tarıhı úı. Kelesi jyly 100 jyldyǵy atalyp ótiletin batyr qyzdyń mereıtoıy qarsańynda Oraldyń áýejaıyna Mánshúk esimi berilgen edi. Endi aıaldamaǵa ataý berilip, kún saıyn jolaýshylardyń qulaǵyna jetip turatyn boldy. Sondaı-aq álemdik sýret ónerinde ózindik qoltańba qaldyrǵan sýretshi ári fılosof Sáken Ǵumarovtyń mýzeıi de arnaıy izdep barmasa kózge túspeıtin qaltarysta tur. Endi osy jerden ótken jolaýshylardyń qulaǵyna kúnde estilip, nasıhaty kóbeıetin boldy. E

«Qoǵamdyq kólikte bul aıaldamalardyń aty atalǵan saıyn osyndaı mýzeılerimiz bar ekendigi halyqtyń sanasyna sińirip, qyzyǵýshylyǵyn týǵyzyp, sol arqyly tarıhymyzǵa qyzyǵýshylyq artary anyq» deıdi mýzeı dırektory.

Aıta keteıik, Oral qalasynyń mýzeılerin dáripteýdi maqsat etken M.Ersaevtyń usynysqa qalalyq máslıhatynyń depýtattary, ásirese «Rýhanı jańǵyrý» ofısiniń basshysy, qalalyq máslıhat depýtaty Aıgúl Túrkına erekshe qoldaý bildirgen.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar