Koronavırýs • 15 Qarasha, 2021

Almatylyq balalar Pfizer ekpesin aldy

75 ret kórsetildi

Almaty emhanalarynda 12 qarashadan bastap Pfizer vaksınasy salyna bastaǵanynan el habardar bolyp otyr. Alaıda me­gapolıste ázirge jet­kilikti ujymdyq ımmýnıtet qa­lyp­ta­s­paǵan. Son­dyqtan 22 qarashada megapolıste revak­sı­na­laý bastalady.

Kollajdy jasaǵan Záýresh SMAǴUL, «EQ»

Munyń barlyǵy da qala tur­ǵyn­daryn beıjaı qal­dyr­maı­tyn jaǵdaı bol­ǵan­dyqtan, birneshe baspasóz máslıhaty qatar ótip, kezekti brıfıngte Almaty qalasy qoǵamdyq densaýlyq basqarmasynyń orynbasary Laýra Myrzaǵalı: «Biz jasóspirimderge emhana­lar­da ekpe sala bastadyq. 12-17 jastaǵy 1 619 balanyń ekpe alǵysy keldi. Eger jasós­pi­rim­der ata-anasynyń ke­li­si­min­siz ekpe alýǵa kelse, me­dı­­sına qyz­metkerleri áke-she­she­le­ri­men baılanysqa shyǵyp, keli­si­­­min suraıdy. Ti­zim­der bar, pe­da­­gogter bizge kó­mek­tesedi», de­gen bolatyn.

Dárigerler óz taraptarynan jasóspirimderdi vaksınalaý algorıtmin túsindirý ju­mystaryn júrgizip jatyr. Máselen, ata-analar, eger qa­la­sa, balalaryn vaksınlaý ke­zinde emhanada da, mektepte de birge bola alady.

Ekpege qatysty ekiudaı má­se­lede mamandar pikiri qan­daı? Máselen, Profı­lak­­tıkalyq me­dısına akade­mııa­synyń pre­zı­denti Almaz Sharman re­vak­­sınalaýdan ótýdi, sondaı-aq jasóspirimderge ekpe salýdy usynady.

– Biz balalardyń tynymsyz ekendigin, eresektermen de, qurdastarymen de arala­sa­tynyn, mektepke baratynyn, sondyqtan olardyń ınfeksııany tasymaldaýshy eke­nin tú­sinýge tıispiz. Son­dyq­tan kóp­­tegen elde balalar­dy vak­­sınalaý týraly sheshim qa­byl­dandy. 2 myńnan astam balaǵa júrgizilgen klı­nı­kalyq zertteýler Pfizer vak­sı­na­sy­nyń qa­ýipsiz jáne tıimdi eke­nin kór­setti, – dep sendiredi A.Sharman.

Vırýsolog barlyq egýler ómir boıy ımmýnıtet qa­lyp­tas­tyrmaıtynyn, keı­bir ınfeksııalardan árbir bes, on jyl saıyn, al tumaý sııaq­tylardan jyl saıyn egilý kerektigin eske saldy. Revak­sı­nalaý degen osy. Keıde «údet­kish vaksına» termıni qolda­ny­la­dy, ıaǵnı taǵy bir qosymsha.

– Ýaqyt óte kele vaksı­na­nyń áseri tómendeıdi, onyń ústine, COVID-19-dyń jańa shtamdary paıda bolyp otyr. Qaıta egý jańa koronavırýs ınfeksııasynyń barlyq shtam­darynan qorǵaý úshin antı­dene­lerdiń jetkilikti deńgeıin qa­lyptastyrýǵa múmkindik bere­di. Jaqynda Izraılde keń aýqymdy zertteý júrgizildi. Bul vaksınalaýdan ótkenderdiń barlyq jas toptarynda, ásire­se egde jastaǵy adamdarda ım­mýn­­dyq jaýap ýaqyt óte kele tómendegenin kórsetti. Son­dyq­tan ekpe saldyrǵan soń 6 aıdan keıin revaksınalaý usynýǵa ǵylymı negizdeme bar, – deıdi A.Sharman.

Vırýsolog vaksınanyń údet­­kish dozasy týraly aıta ke­­le, birqatar ǵalymdar kross-re­vak­sınalaýdy, ıaǵnı úshinshi vak­sınany basqa preparatpen alýdy usynǵanyn, biraq bul qatyp qalǵan qaǵıda emestigin alǵa tartady.

– Densaýlyq saqtaý mı­nıstr­­­ligi vaksınalardy ara­las­­ty­rýdy bir nusqa retin­de qa­ras­tyrady. Aldynda sal­dyr­ǵan ekpemen qaıta vak­sı­na­la­nýǵa bolatynyn eshkim joq­qa shyǵarmaıdy. Degenmen men de túrli vaksınalardy aralastyrý tıimdi bolady dep sanaımyn. Aralastyrý ke­zinde qan­daı da bir qarsy kór­se­ti­lim­der bolǵan joq, – deıdi ǵalym.

Qysqasy, professor bul koro­navırýspen birge áli uzaq júre­tinimizdi, sondyqtan ekpe saldyrý jáne revaksınalaýdan ótý qajet dep esepteıdi

Ol megapolıste JRVI-diń órshýi jaǵdaıyna qatysty túsi­nik­teme bere otyryp, koronavırýs ınfeksııasy, tumaý men JRVI belgileri uqsas. Biraq kovıdtiń qosymsha sımptomy – dám, ıis sezý joǵalýy jáne en­ti­gýdiń paıda bolýy múmkin deıdi.

– Koronavırýs ınfeksııa­sy PTR testileý arqyly anyq­­talǵany mańyzdy. Onyń belgi­le­ri úshin taldaý jasaý jáne kez kelgen jaǵdaıda, tipti koronavırýs bolmasa da, oqshaýlaý ke­rek, – dep keńes berdi professor.

– Men koronavırýsqa, ja­qyn­da tumaýǵa qarsy egildim. Bul eki túrli ınfeksııa jáne onyń ózara sáıkestigi bolýy múmkin. Qos ınfeksııanyń saldary árqashan aýyr bolady, – dedi spıker.

Sondaı-aq ol qazirdiń ózinde vaksınalanǵan azamattarǵa, ási­re­se, 60 jastan asqan jáne so­zyl­maly aýrýlary bar adam­dar­­ǵa koronavırýsqa qo­sym­sha údetkish vaksına alý kerektigin túsindirdi.

– Izraıl ǵalymdary koro­na­vırýs ınfeksııasyna ım­mýn­dyq jaýaptyń vak­sı­na­nyń alǵashqy eki dozasynan soń 6 aıdan keıin tómendeıtinin dáleldedi. Sondyqtan revak­sı­nalaý usynylady. Bul qan­sha­lyqty jıi qajet bolatyny áli naqty belgisiz. Ol jyl sa­ıyn ótýi múmkin, munyń bá­ri pandemııanyń qalaı bola­ty­nyna baılanysty, – dedi A.Sharman.

Professor koronavırýs ın­fek­­sııasy endemııalyq bol­ǵan­­dyqtan, bizben uzaq ýa­qyt birge bolady dep sanaıdy. Keıde bul tumaý sııaqty kishi­gi­rim órshıdi. Sondyqtan múm­kin­diginshe kóp adamnyń vak­sı­na­­lanýy jáne revaksınalaýdan ótýi óte ma­ńy­zdy.

Almatyda bir kúnde 300-den astam jasóspirim, júkti áıel­der men bala emizetin analar Pfizer ek­pesin aldy. Eń aldymen, mek­tep oqýshylary, kolledj stý­dentteri, júkti jáne bala emi­zetin analar ekpe aldy. 2 aı buryn ekinshi sábıin dúnıege ákelgen Almaty qalasynyń tur­ǵyny Veronıka Býksha ek­peni birinshi bolyp aldy. «Men bala emizetin anamyn, son­dyq­t­an balamdy, ózimdi, otba­symdy múmkindiginshe qor­ǵa­­ǵym keledi, emhanadan medısına qyzmetkerleri sha­qy­ryp, alǵashqylardyń biri bolyp Pfizer ekpesin alǵanyma óte qýanyshtymyn», deıdi Veronıka.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar