Tumaý juqtyrǵandar kúrt kóbeıdi

– О́tken jylmen salystyrǵanda, qazir JRVI-men aýyratyndar úsh esege kóp. Sonymen qatar bul kórsetkish ár apta saıyn ósip keledi. Naýqastardyń 62%-y – balalar. Medısınalyq mekemelerge barlyǵy 526 naýqas jatqyzyldy, onyń ishinde 17 júkti áıel jáne bir jasqa deıingi 165 bala bar, – dedi J.Bekshın.

Almaty epı­demıologteri
1 qa­zan­ men 10 qarasha aralyǵynda JRVI-diń 61 252 jaǵdaıyn tirkedi, juqtyrǵandardyń jartysynan kóbi – balalar. 176 almatylyq pnevmonııa­men aýrýhanaǵa jatqyzyldy, onyń ishinde 14 jasqa deıingi 30 bala jáne 13 jasqa deıingi jasóspirim bar. Osy ahýalǵa oraı qalanyń bas sanıtary koronavırýstyń JRVI retinde de kórinetinin ári onyń aýyr zardaptarǵa ákelýi múmkin ekenin eske saldy.

– JRVI óz kezeginde adamdardy koronavırýsqa osal etedi. Sondyqtan qala turǵyndary sanıtarlyq-epı­de­mıo­logııalyq qaýipsizdik sharalaryn jaýap­kershilikpen saqtaýy kerek. Tumaý­ǵa jáne koronavırýsqa qarsy vaksınalaý óte mańyzdy. Almatyda tumaý juqtyrǵan 5 jaǵdaı tirkeldi. A H3N2 shtamy qalalyq klınıkalyq juqpaly aýrýlar aýrýhanasynyń sholǵynshy ortalyǵynda jáne emhanalarda anyqtaldy, – dedi J.Bekshın.

Onyń aıtýynsha, jyl basynan beri maýsymdyq koronavırýspen qatar rınovırýs, 2 tıpti paragrıpp, bokavırýs, rınosıntısıaldyq vırýs (RS-vırýs) jáne adenovırýs – barlyǵy 28 fakti anyqtaldy.

Tumaýdyń asqynýynan jáne basqa maýsymdyq aýrýlardan saqtandyrý úshin vaksınalaýdan ótken durys. Ásirese, qaýip sanatyndaǵylarǵa vaksınalaý óte mańyzdy.

– Tumaýǵa qarsy vaksınalaý bıýdjet esebinen júrgiledi. Tegin ekpelerdi medısına qyzmetkerleri, medısınalyq baqylaýǵa jatatyn balalar, jıi aýyratyn 6 aıdan asqan jáne jetim balalar men ata-anasynyń qamqorlyǵynsyz qalǵan balalar, sábıler úıleriniń tárbıelenýshileri, medısınalyq-áleýmettik mekemelerdiń qyzmet alýshylary, júktiliktiń 2-shi nemese 3-shi trımestrindegi aıaǵy aýyr áıelder, júrek-qantamyr júıesi men tynys alý organdarynyń sozylmaly aýrýlary barlar, sondaı-aq epıdemıologııalyq kórsetkishteri bar adamdar ala alady, – dedi J.Bekshın.

Aıta keterligi, bıyl qaýip tobyn­da­ǵy adamdardy vaksınalaý úshin 130 myń doza kóleminde reseılik óndiristiń «Grıppol Plıýs» tumaýǵa qarsy úsh­va­lentti vaksınasy satyp alynǵan. Egýdi memlekettik emhanada da, aqyly negizde de bes jeke medısınalyq ortalyqta: IMC, «Farmakom» JShS «Vaksınasııa klınıkasynda», «SOS-Qazaqstan», Medical Assistance Group jáne Intertıchte alýǵa bolady. Qazirgi ýaqytta Almatyda tumaýǵa qarsy 113 555 qala turǵyny egildi, onyń ishinde 14 jasqa deıingi balalar – 15 907, júkti áıelder – 5 479, jumys berýshiler esebinen 1 835 adam, aqyly negizde óz qarjysymen 2 782 adam egildi.

Baspasóz konferensııasy barysynda Almatynyń bas sanıtarlyq dárigeri Dúnıejúzilik densaýlyq saqtaý uıymynyń aldaǵy kúzgi-qysqy maýsymǵa arnalǵan boljamyn alǵa tarta otyryp: «Soltústik jarty sharda vırýstyń tórt shtamy ózekti bolady – A/Guangdong – Maonan/SWL1536/2019 (H1N1) pdm09, a/Hong Kong/2671/2019 (H3N2), B/Washington/02/2019 (B/Victoria lineage), B/Phuket/3073/2013 (B/Yamagata lineage), olar DDU usynysy boıynsha tumaýǵa qarsy vaksına quramyna engizildi. Almatyda bar vaksına aldaǵy maýsymda neǵurlym belsendi bolatyn vırýstardan qorǵaýǵa arnalǵan, ıaǵnı «Grıppol Plıýs» tumaýdyń tórt túrinen qorǵaýǵa qabiletti», dedi.

ALMATY