M. Ahmetjanov óz sózinde sybaılas jemqorlyqqa qarsy saıasattyń ózindik modelin qalyptastyrýǵa múmkindik bergen sybaılas jemqorlyqqa qarsy is-qımyl salasynda elimizde júrgizilip jatqan reformalar týraly, sondaı-aq, sybaılas jemqorlyqty joıý máselelerindegi jurtshylyqtyń róli týraly aıtyp berdi.
Atap aıtqanda, ol sybaılas jemqorlyq faktileri týraly habarlaǵan azamattardy kótermeleý júıesin jetildirý týraly, sarapshylar retinde azamattyq qoǵam ókilderi shyǵatyn sybaılas jemqorlyqqa qarsy saraptama ınstıtýtynyń jumysy týraly, baǵynystylardyń sybaılas jemqorlyq úshin basshylardyń derbes jaýapkershiligi ınstıtýtyn engizý jáne kvazımemlekettik sektorda komplaens-qyzmetterdi engizý týraly atap ótti.
«Agenttik sybaılas jemqorlyqty jeke dara jeńe almaıtynyn túsiný mańyzdy bolyp tabylady. Barlyq azamattyq qoǵamdy belsendi tartý qajet. Sondyqtan qoǵamdyq belsendilik aldaǵy 5 jylǵa arnalǵan sybaılas jemqorlyqqa qarsy saıasat tujyrymdamasynyń jobasyn ázirleý kezinde erekshe mańyzǵa ıe boldy», dedi M. Ahmetjanov.
Tujyrymdamany ázirleýge beı-jaı qaramaıtyn azamattar men ÚEU ókilderiniń belsendi qatysýymen daıyndalǵanyn atap ótken jón.
«Qazir tujyrymdama parasatty qoǵamdy qalyptastyrýǵa, sybaılas jemqorlyq múmkindikterin boldyrmaýǵa, jaýapkershiliktiń bultartpastyǵyn, bıýdjettik prosesterdiń transparenttiligin qamtamasyz etýge, sybaılas jemqorlyqqa qarsy standarttardy engizýge baǵyttalǵan 6 negizgi blokty kózdeıdi», dep atap ótti Agenttik Tóraǵasy.
Sonymen qatar M. Ahmetjanov jobalyq basqarýdy engizýdiń mańyzdylyǵy týraly aıtyp berdi, bul laýazymdy tulǵalardyń jaýapkershiligin derbestendirýge jáne naqty jáne ólshenetin kórsetkishterdi belgileýge múmkindik beredi. Iаǵnı nátıjege shoǵyrlaný.
О́z sózin qorytyndylaı kele, Agenttik Tóraǵasy qazirgi ýaqytta Sybaılas jemqorlyqqa qarsy qyzmet qylmystyq shemalar men jasyryn urlyqtardy ashýǵa basa nazar aýdarǵanyn, bul aýyl sharýashylyǵyn sýbsıdııalaý salasyndaǵy buzýshylyqtardy anyqtaýǵa múmkindik bergenin atap ótti.
«Búgingi tańda sybaılas jemqorlyqqa qarsy qyzmet 65 qylmystyq isti tirkedi. 18 adam kúdikti dep tanyldy. Onyń 14-i qamaýda. Qazirgi ýaqytta tergeý jalǵasýda», dedi M.Ahmetjanov.
Baıandamanyń tolyq mátinin tómendegi siltemeden oqı alasyzda.
https://www.gov.kz/memleket/entities/anticorruption/documents/details/234328?lang=ru
