Buǵan deıin QR Prezıdentiniń baspasóz hatshysy Berik Ýálı jıyn barysynda Memleket basshysynyń Ulttyq keńes aıasynda bergen tapsyrmalarynyń oryndalý barysy, sondaı-aq UQSK músheleriniń qoǵamdyq, áleýmettik-ekonomıkalyq jáne óńirlik damý máseleleri jónindegi usynystary talqylanady dep josparlanǵanyn habarlaǵan bolatyn.
Otyrys keńestiń óńirlerdegi músheleriniń qatysýymen onlaın formatta ótip jatyr. Prezıdenttiń baspasóz qyzmeti Facebook jelisindegi AkordaPress paraqshasy arqyly UQSK jıynynan tikeleı kórsetilim uıymdastyrǵan. Aıta keteıik, Ulttyq keńes usynysymen 90-nan astam normatıvtik-quqyqtyq akti, onyń ishinde 20 zań qabyldandy. Taǵy 12 zań jobasy ázirlenip jatyr.
Osy ýaqytqa deıin Memleket basshysynyń qatysýymen keńestiń 5 otyrysy ótti. Sonymen qatar QR Prezıdenti Ulttyq keńes múshelerimen 28 jeke kezdesý ótkizdi. 2020 jyly pandemııa jaǵdaıynda Ulttyq keńes músheleriniń mınıstrlermen onlaın kezdesýleri uıymdastyryldy.
