Qujatqa Dúnıejúzi qazaqtarynyń qaýymdastyǵy tarapynan tóraǵanyń orynbasary Ádilbek Ybyraıymuly, al Halyqaralyq kóshi-qon uıymy tarapynan Qazaqstan, Qyrǵyzstan, Túrikmenstan jáne О́zbekstandaǵy Halyqaralyq kóshi-qon uıymy mıssııasynyń basshysy Zeınal Gadjıev qol qoıdy.
Resmı sharaǵa Qazaqstan Respýblıkasynyń Eńbek jáne halyqty áleýmettik qorǵaý birinshi vıse-mınıstri A.Sarbasov, Aqparat jáne qoǵamdyq damý mınıstrligi Etnosaralyq qatynastardy damytý komıteti tóraǵasynyń orynbasary E.Úısimbaev, «Otandastar qory» kommersııalyq emes aksıonerlik qoǵamynyń vıse-prezıdenti M.Sarbasov, Qazaqstandaǵy Halyqaralyq kóshi-qon uıymy keńsesiniń basshysy mindetin atqarýshy E.Hon, sondaı-aq basqa da memlekettik organdardan ózge de resmı adamdar qatysty.
Resmı sharada Ádilbek Ybyraıymuly Elbasy – Tuńǵysh Prezıdentimiz N.Á.Nazarbaev basqaratyn «Dúnıejúzi qazaqtarynyń qaýymdastyǵy» respýblıkalyq qoǵamdyq birlestigine keler jyly 30 jyl tolatynyn, qazirgi tańǵa deıin tarıhı Otanyna oralǵan qandastarymyzdyń jalpy sany 1 mıllıonnan asqanyn, kóshi-qon máselesi qaı elde de mańyzdy, Qazaqstan úshin onyń orny erekshe ekenin aıta kelip, «Birikken Ulttar Uıymy júıesiniń bir bóligi bolyp tabylatyn Halyqaralyq kóshi-qon uıymymen (HKU) birlese jumys isteýge nıet bildirip, memorandýmǵa qol qoıyp jatýymyz – isimizdi odan ári jandandyra túsetini anyq» dedi.
Jalpy, kóshi-qon ekonomıka men saýda-sattyqqa, mádenıet pen dıplomatııalyq qarym-qatynasqa yqpal etedi. Sondyqtan Úkimet kóshi-qon jaıyn ulttyq josparlarǵa engizip, onyń qalyptylyǵyn únemi qadaǵalap otyrady. Alaıda salanyń kúrdeliligin eskersek, kóptegen kózge kórinbeıtin eleýsiz jaıt halyqty kóshirý men qonystandyrý sharasyna kedergisin tıgizetini belgili. Osy baǵytta álemdik deńgeıde qyzmet atqaryp otyrǵan uıymmen yntymaqtasa isti júrgizý aıtýly nátıjesin beretini sózsiz. Retke keltirilgen kóshi-qon ádis-amaly kóship-qonýshylar men qoǵamǵa paıdasyn ákelmek. HKU kóshi-qonnyń jedel mindetterin sheshýge kómek kórsetip, kóshi-qon problemalaryn túsinýdi tereńdete túsetinine senim bildirildi.
Kóshi-qon saıasaty máselelerin zertteý salasyndaǵy yntymaqtastyqtyń mańyzdylyǵy zor. Ulttyq múddeni kózdeıtin aýqymdy da aıtýly iste ekijaqty yntymaqtastyq pen tájirıbe almasý – alǵa qoıylǵan mindetterdi sheshýde qarqyn da, qajyr da beredi. «Sondyqtan Dúnıejúzi qazaqtarynyń qaýymdastyǵy men Halyqaralyq kóshi-qon uıymynyń búgingi mámilesi – ýaqyt talabyna saı keledi dep sanaýǵa bolady», dep qorytyndylady tóraǵanyń orynbasary. О́z kezeginde bedeldi uıym men mıssııanyń basshysy Zeınal Gadjıev te Qazaqstandaǵy kóshi-qon jaıyna toqtalyp, halyqaralyq mıgranttardyń quqy men jalpy úderiske analıtıkalyq taldaý jasalatynyn jetkizdi.
