«Úsh jyl ishinde túsimderdiń ósýin eskere otyryp, áleýmettik salaǵa arnalǵan shyǵystardy 30%-ǵa ulǵaıtý josparlanyp otyr. Jalpy, 2022-2024 jyldary áleýmettik salaǵa 26,7 trln teńge bólinedi. Bul quraldar kóptegen áleýmettik máselelerdi sheshýge múmkindik beredi. Mysaly, áleýmettik tólemderdi ındeksteý, muǵalimderge, dárigerlerge, bıýdjetten jalaqy alatyn basqa da qyzmetkerlerge jalaqyny kóterý jáne kóptegen áleýmettik nysandardy salý qarastyrylǵan», dedi Máýlen Áshimbaev Senattyń jalpy otyrysynda.
Ol búgingi otyrysta senatorlar birqatar ózekti máselelerdi kótergenin atap ótti.
«Atap aıtqanda, aýyl halqyn sýmen, ınternetpen qamtamasyz etý, feldsherlik pýnktter jelisin keńeıtý máseleleri qozǵaldy. Osyǵan baılanysty Úkimet múshelerinen depýtattar kótergen barlyq máselelerdi eskerýdi suraımyz. Aldaǵy úsh jylǵa arnalǵan respýblıkalyq bıýdjet Parlament qaraǵannan jáne oǵan Prezıdent qol qoıǵannan keıin eldiń ıgiligine qyzmet etedi dep úmittenemiz. Bizde Memleket basshysy belgilegen maqsattar bar. Biz olardy birge júzege asyrýymyz kerek. Bul jumysta Senat depýtattary Úkimetke qajetti qoldaý kórsetýge daıyn», dep túıindedi Senat Tóraǵasy.
Búgin plenarlyq otyrysta «2022-2024 jyldarǵa arnalǵan respýblıkalyq bıýdjet týraly» zań jobasy qaraldy. Senat zań jobasyna birqatar túzetýler engizip, Májiliske qaıtarý týraly qaýly qabyldady.
