Forýmnyń ashylýynda sóz sóılegen qala ákimi otandyq bıznesti damytýda búgingi iskerlik jıynnyń mańyzy joǵary ekenin atap ótti.
«Memleket basshysy kásipkerlerdi qoldaý jáne qorǵaý el damýy úshin mańyzdy mindet ekenin aıtty. Otandyq bıznesti damytý, jańa jaǵdaıdaǵy iskerlik múmkindikterdi ilgeriletý boıynsha búgingi forým jemisti bolady degen senimdemin. Memlekettik qoldaýlardyń nátıjesinde elimizde ońtaıly bıznes klımat qalyptasty. Qazaqstandyq bıznes ashyq jáne mobıldi bola tústi. Kásipkerlerimiz úshin jańa múmkindikter ashyldy. Biz ınvestorlar úshin qolaıly bıznes klımat qalyptastyrý jumystaryn jalǵastyratyn bolamyz. Shymkent bedeldi iskerlik ortamen seriktestikti nyǵaıtýǵa árqashan daıyn ekenin jetkizemin!», dedi M.Áıtenov.
Is-shara barysynda Murat Áıtenov bıyl qala ónerkásibiniń kólemi 411 mlrd teńgeden 711,5 mlrd teńgege jetetinin aıtty. Qalaǵa osy ýaqyt ishinde 2,6 trln teńge ınvestısııa tartylyp, 200-den asa jańa kásiporyndar ashylyp, jumys oryndarynyń sany 20 myńnan asqan. Shaǵyn jáne orta bıznes salasynda – 87 myńnan astam kásipkerlik sýbektiler tirkelip, jalpy óńirlik ónimdegi úlesi 41,6%-ǵa jetti.
Bıznes-forýmnyń moderatory «Centrasia Group» basqarmasynyń tóraǵasy Almas Qudaıbergen boldy.
YPO (Young Presidents Organization) – ár elde óz bólimsheleri bar bıznesmenderdiń jabyq halyqaralyq klýby. Álem boıynsha klýbtyń 25 myń tabysty basshylary men bıznes basqarýshy músheleri bar. Qazaqstanda YPO quramyna 34 kásipker kiredi.
Forým minberinde Chocofamily ınternet-holdınginiń negizin qalaýshy jáne osy uıymnyń Baqylaýshylar keńesiniń tóraǵasy Ramıl Mýhorıapov, Tan Media tobynyń quryltaıshysy, «31-arna» teleradıokompanııasy men birqatar táýelsiz buqaralyq aqparat quraldarynyń jetekshisi Armanjan Baıtasov, Bilim Media tobynyń quryltaıshysy ári jetekshisi Raýan Kenjehanuly, Freedom Holding Corp kompanııasynyń Bas atqarýshy dırektory jáne Dırektorlar keńesiniń tóraǵasy Tımýr Týrlov, Alageum Electric kompanııalar tobynyń quryltaıshysy Erkebulan Ilıasov, BI Group qurylys kompanııasynyń negizin qalaýshy, kompanııanyń Dırektorlar keńesiniń tóraǵasy Aıdyn Rahymbaev sóz sóılep, tájirıbesimen bólisti.
