Oqıǵa kýágeri málim etkenindeı, 17 qarasha kúni saǵat 23.00 shamasynda jarylǵysh zat qoıyldy degen habar túskennen áýejaıda ábiger bastalǵan.
BQO polısııa departamentiniń baspasóz qyzmeti jalǵan qońyraý shalynbaǵanyn, osy merzimde, ıaǵnı 17 qarasha kúni saǵat 22.00-de áýejaı aýmaǵynda jospardan tys terrorızmge qarsy jedel-taktıkalyq oqý-jattyǵý júrgizilgenin jetkizdi.
«Osyǵan baılanysty áýejaı aýmaǵynda arnaıy, quqyq qorǵaý jáne basqa múddeli memlekettik organdar qyzmetkerleriniń qatysýymen terrorıstik qaýip kezindegi is-qımyl algorıtmi pysyqtaldy. Franfýrt-Oral ushaǵymen kelgen 8 ekıpaj múshesi men 63 jolaýshy evakýasııalandy. Bul rette azamattar qaýipsizdik sharalarymen qamtamasyz etildi», dep habarlady vedomstvodan.
