Koronavırýs • 18 Qarasha, 2021

Almatyda COVID-19 juqtyrǵandardyń 82 paıyzy vaksına almaǵandar - Bekshın

37 ret kórsetildi

Almatyda keıingi aptada COVID-19 juqtyrǵandardyń 18 paıyzy ekpe alǵan, al 82 paıyzy koronavırýsqa qarsy vaksına salǵyzbaǵan. Bul týraly О́ńirlik kommýnıkasııalar qyzmetiniń baspasóz máslıhaty barysynda Almaty qalasynyń bas sanıtarııa dárigeri Jandarbek Bekshın aıtty, dep habarlaıdy Egemen.kz.

Bir apta ishinde ınfeksııanyń 936 jańa jaǵdaıy, keıingi táýlikte 128 derek tirkelgen. Sonymen qatar, keıingi aptada aýrý juqtyrǵandardyń negizgi bóligi (82 paıyzy) ekpe almaǵan azamattar. Vırýs juqtyrǵan jáne vaksına almaǵan almatylyqtardyń 29 paıyzy 20 men 39 jas aralyǵyndaǵylar, 27 paıyzy 40 pen 59 jas aralyǵyndaǵylar, 26 paıyzy 60 jastan asqandar.

«Bul qoldanystaǵy shekteý sharalary men 48 paıyz halyqty vaksınalaý deńgeıi arqasynda. Bizde aptalyq aýrýshańdyq azaıdy, biraq ony bekitý úshin 22 qarashaǵa deıin sary aımaq boıynsha talaptardy saqtaý qajet», dep málimdedi Bekshın.

Almatynyń bas sanıtarııa dárigeriniń aıtýynsha, aýrýshańdyqtyń optımıst kórsetkishterine qaramastan, qaladaǵy juqpaly aýrýlar aýrýhanalarynda 673 adam jatyr, onyń 17-si bala.
 
«Sondyqtan 12 jastan asqan jasóspirimderdi belsendi túrde vaksınalaý óte mańyzdy. Jańa delta nusqasy balalarǵa baǵyttalǵan: byltyr 281 mektep oqýshysy aýrý juqtyrǵan bolsa, bıyl 15 039-y juqtyrǵan», dedi vedomstvo basshysy. 

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar