«Dál osy úıge órt shyqqanǵa deıin 8 qarashada bizdiń qyzmetkerler barǵan. Nusqaýlyq ótkizdi, jadynama berip, datchıkter qoıdy. Qazir tergeý júrip jatyr. Biraq, eń aldymen, gaz ballon sýyq saldarynan ákelinip, jylytý peshiniń qasyna qoıylǵan, osy sebep boldy. Osy gaz ballony qaıda toltyrylatynyn tergeý organy anyqtaıdy», dep Ilın Senat otyrysynan keıin qaıǵyly jaǵdaıǵa qatysty pikir bildirdi.
Buǵan deıin 16 qarashada Aqmola oblysy Shortandy kenti Lıneınaıa kóshesinde gaz ballony jarylǵany habarlanǵan bolatyn. Jarylystan 3 adam qaza taýyp, 10 adam aýrýhanaǵa jatqyzylǵan. Keıin zardap shekkender arasynda balalar bary aıtyldy. Keıin Shortandydaǵy turǵyn úıde bolǵan jarylys saldarynan qaza tapqandardyń týystary qaıǵyly oqıǵanyń mán-jaıyn aıtyp berdi.
