«О́tken jyldary Ál-Farabı men Abaı jyly atalyp ótse, bıyl Jambyl jyly toılanýda, kelesi jyldy Ahmet Baıtursynulyna arnaý kózdelip otyr. Iаǵnı, uly tulǵalarymyzdy ulyqtaý isi júıeli túrde júrip jatyr», dedi Prezıdent Ákimshiligi basshysynyń birinshi orynbasary.
Onyń atap ótýinshe, búginde «kitap – munaıdan da qymbat qazyna». Sondyqtan kitap oqıtyn ultty qalyptastyrý baǵytynda otandyq shyǵarmalardy shyǵarý kólemin arttyrý kózdelgen.
«Bizdiń maqsat – azattyqty ardaqtap, Otanymyzdy odan ári nyǵaıtyp, keler býynǵa tabystaý. О́skeleń urpaq boıyna adamgershilik qasıetterdi sińirý. Sapaly bilim men sanaly tárbıe – ultymyzdyń uly, urpaǵymyzdyń ulaǵatty bolýynyń kepili. Álem jyldam ózgerip jatqan ýaqytta damyǵan memleketter kóshinen qalmaýdyń birden bir joly – osy. Jambyldan jetken ónegeli ósıettiń de taban tirer tuǵyry, tamyr tartar tereńi – osy aınymas qundylyqtarda. Sondyqtan Jambyl murasyn jańǵyrtyp, jan-jaqty nasıhattaý isi kún tártibinen túspeıdi», dedi Dáýren Abaev.
