ÚEU ókilderimen ótken 16 kezdesý

Bul – Elbasy bastamasymen Qazaq­stan­nyń alǵashqy Aza­mattyq forýmy ótkizilgen 2003 jyldan bastap orta­lyq mem­lekettik organdardyń birinshi bas­shylary men aza­mattyq qoǵam qa­tysýshylarynyń ta­qyryptyq kezdesý­leriniń rekordtyq sany.

ÚEU-men ózara is-qımyl memlekettik or­gan­­darǵa Memleket basshysy Qasym-Jomart Toqaev basta­ma­­shylyq etken «Halyq únine qu­laq asatyn memleket» tujy­rym­­damasyn iske asyrýda ha­lyq­­tyń ózekti máselelerin jedel sheshýge jáne áreket etýge múm­­kindik beredi.

Onlaın-kezdesýler Aqpa­rat jáne qoǵamdyq damý mınıs­trliginiń Facebook áleýmet­tik jelisindegi arnaıy paraq­shasynda tikeleı efırde kór­setildi. Mınıstrler, agenttikter tóra­ǵalarynyń, vıse-mınıstr­lerdiń 16 kezdesýiniń onlaın-formaty Qazaqstannyń barlyq óńirinen 1000-nan astam aza­mattyq qoǵam ókilin (ÚEU, bıznes, BAQ, kvazımemlekettik sektor) tir­keýge múmkindik berdi, olar ózderin tol­ǵan­dyratyn suraq­tardy tikeleı qoıýǵa múm­kindik aldy. Facebook-tegi tikeleı efırlerdi qamtý shamamen 4000 qaralym boldy.

Jalpy, mınıstrlikter men agent­tik­terdiń birinshi basshylarymen kezde­sýlerdiń barysynda sybaılas jemqor­lyqqa qarsy is-qımyl, densaýlyq saqtaý, ekologııa, bilim berý, azyq-túlik qaýip­sizdigi, qylmysqa qarsy kúres, sıfrly tehnologııalardy paıdalaný jáne t.b. salalarda memleket pen azamattyq qoǵamnyń ózara is-qımyly boıynsha máseleler talqylandy.

Mınıstrler, agent­tikterdiń tór­aǵalary bıyl en­gizilgen zańnamalyq túzetýlerdiń arqasynda óz ókilettikterin keńeıtken qoǵamdyq keńester jumysynyń mańyzdylyǵyn tanıtyny mańyzdy.

Esterińizge sala keteıik, X Azamattyq forým Nur-Sultanda 22-24 qarashada onlaın formatta bastalyp, Almatyda 25-26 qarashada oflaın formatta jumysyn jalǵastyrady.

Forýmnyń is-sharalary demo­kra­tııalyq prosesterdi damytý, Qazaq­stan­da BUU-nyń Ornyqty damý maqsat­tar­yn iske asyrý máselelerine, sondaı-aq qo­ǵamnyń, memleket pen bıznestiń olarǵa qol jetkizýdegi negizgi mindetterine arnalady.