Álem • 22 Qarasha, 2021

BUU Aýǵanstandaǵy bankterge qoldaý kórsetýge shaqyrdy

175 ret

kórsetildi

1 mın

oqý úshin

Birikken Ulttar Uıymy Aýǵanstandaǵy bankterge qoldaý kórsetý úshin shuǵyl sharalar qabyldaýǵa shaqyrdy, dep habarlaıdy Egemen.kz.

Gaýhar QAPASh

BUU Aýǵanstandaǵy bankterge qoldaý kórsetýge shaqyrdy

Bul týraly Reuters agenttigi málimdedi.

Birikken Ulttar Uıymy nesıeni óteı almaıtyndar sanynyń kúrt ósýi, depozıtterdiń azaıýy jáne qolma-qol aqshadaǵy ótimdilik daǵdarysy birneshe aı ishinde Aýǵanstandaǵy qarjy júıesiniń kúıreýine ákelýi múmkin ekenin eskertti.

BUU Damý baǵdarlamasy (BUUDB) Aýǵanstannyń banktik jáne qarjy júıesi týraly úsh bettik baıandamasynda banktik quldyraýdyń ekonomıkalyq shyǵyndary jáne odan týyndaıtyn jaǵymsyz áleýmettik áser kóp bolatynyn málimdedi.

«Biz bank sektoryn qoldaý arqyly tálipterge qoldaý kórsetpeıtinimizge kóz jetkizýdiń jolyn tabýymyz kerek. Biz barlyǵyn jan-jaqty oılastyrýymyz kerek», dedi BUU Damý baǵdarlamasynyń Aýǵanstan boıynsha basshysy Abdýlla ál Dardarı.

BUU Damý baǵdarlamasynyń esebinde aqshany shyǵarýǵa shekteý qoıylsa, jyl sońyna deıin Aýǵanstandaǵy depozıttik bazanyń 40 paıyzy joǵalady delingen.

Ál Dardarıdiń aıtýynsha, Aýǵanstan ekonomıkasynda shamamen 4 mıllıard dollar bolsa da, aınalymda bar bolǵany 500 myń dollar ǵana bar. Birikken Ulttar Uıymy Aýǵanstandaǵy asharshylyqty aýyzdyqtaýǵa tyrysqan.

Sonymen qatar BUUDB-nyń aýǵan bank júıesin qutqarý boıynsha usynystary depozıtterdi saqtandyrý shemasyn, qysqa jáne orta merzimdi qajettilikter úshin jetkilikti ótimdilikti qamtamasyz etý sharalaryn, sondaı-aq nesıelik kepildikterdi jáne nesıelerdi keıinge qaldyrý opsııalaryn qamtıdy.