Spıkerdiń aqparaty boıynsha, esepti kezeńde óńirdiń Sybaılas jemqorlyqqa qarsy qyzmeti 59 qylmystyq isti tirkedi, onyń ishinde 42 - aýyr jáne asa aýyr qylmystar. Qylmystyń kóp bóligi urlyq pen alaıaqtyq, sondaı-aq paraqorlyq faktilerimen baılanysty. 21 adamǵa qatysty 36 is sotqa joldandy.
Sondaı-aq, oblystyń Antıkorymen júıeli sybaılas jemqorlyqtyń 6 faktisi tirkeldi, onda 14 qylmys anyqtaldy jáne 17 adam tartyldy, memlekettik organdardyń laýazymdy tulǵalary tarapynan ShOB qyzmetine zańsyz aralasýdyń 8 faktisi, laýazymdy tulǵalardyń «kóleńkeli» ekonomıka sýbektilerine qamqorlyǵynyń 3 faktisi anyqtaldy. Memlekettik baǵdarlamalardy iske asyrýdy súıemeldeý aıasynda 14 qylmys tirkeldi. Esepti kezeńniń qorytyndysy boıynsha 1 mlrd teńgeden astam somaǵa zalaldy óteý qamtamasyz etildi.
«Jalpy, ótken jylmen salystyrǵanda sybaılas jemqorlyq quqyq buzýshylyqtary tómendeýiniń oń dınamıkasyn atap ótkim keledi, bul úrdis tek óńirde ǵana emes, respýblıka boıynsha da baıqalady. Bul memlekettik basqarý ókilderiniń de, sondaı-aq nemquraıdy emes azamattardyń da sybaılas jemqorlyqtyń aldyn alý aıasyndaǵy jumysynyń nátıjesi», dedi spıker.
Tikeleı efırde ótken brıfıng barysynda Arman Rahımov memlekettik organdardyń QR QIJK 200-babynyń tártibinde usynystar engizý arqyly sybaılas jemqorlyq quqyq buzýshylyqtardyń qaıtalanǵan jaǵdaılaryna jol bermeý sharalary týraly habardar etti.
Osy jyldyń 10 aıynda oblystyń sybaılas jemqorlyqqa qarsy qyzmeti 49 usynys engizdi. Memlekettik qyzmetkerler men túrli uıymdar qyzmetkerleriniń qatysýymen 28 kezdesý ótkizildi. Júrgizilgen jumys nátıjeleri boıynsha 41 laýazymdy tulǵa, onyń ishinde 23 basshy tártiptik jaýapkershilikke tartyldy. 7 laýazymdy tulǵa qyzmetten bosatylyp, atqaratyn qyzmetinen bosatyldy. Jartysynan kóbi sógis pen eskertý aldy, 11 adamǵa qyzmetke tolyq sáıkes emestigi týraly eskertildi.
Departament basshysynyń aıtýynsha, aǵymdaǵy jyldyń basynan beri sybaılas jemqorlyq faktileri týraly habarlaǵan 8 aqmolalyq 980 myń teńgege jýyq qarajat aldy.
«Osy turǵyda, azamattardy belsendi azamattyq ustanym tanytýǵa jáne sybaılas jemqorlyqtyń árbir belgili faktisi týraly agenttiktiń 1424 Call-ortalyǵyna nemese óńirlik sybaılas jemqorlyqqa qarsy qyzmetke habarlaýǵa shaqyramyn. Departament óz tarapynan árbir jaǵdaı boıynsha tıisti sharalar qabyldanatynyna sendiredi», dedi Arman Rahımov.
