«21 qarasha kúni aýmaqtyq ınspeksııa, Qarasaı aýdandyq IIB qyzmetkerleri jáne «Ohotzooprom О́B» RMQK ınspektorlary S.B. Kóshkinbaevtyń top jetekshiligimen birlesip, Qarasaı aýdanynyń «Mechta» baý-baqsha qoǵamynyń aýmaǵyndaǵy №93 ýchaskedegi konteınerden QR «Qyzyl kitabyna» engizilgen 18 suńqar-ıtelginiń zańsyz ustalǵanyn anyqtady», dep jazady QR Ekologııa, geologııa jáne tabıǵı resýrstar mınıstrliginiń baspasóz qyzmeti.
Atalmysh oqıǵaǵa qatysy bar er adam ustaldy. Qustar tárkilenip, ýaqytsha baǵyp-qaǵý úshin «Suńqar» JShS pıtomnıgine jetkizildi.
Zań buzýshylyq Qarasaı qalalyq PB-ne berilip, 2021 jylǵy 21 qarashada aqparatty engizý kitabynda tirkeldi.
