Úkimet otyrysynda QR Densaýlyq saqtaý mınıstri Alekseı Soı osyndaı málimet berdi. «Álemde KVI-diń 258 mılııonan astam jaǵdaıy tirkeldi. Táýligine 400 myńnan astam jaǵdaı tirkelip otyr. Bes mıllıonnan astam adam osy vırýstan kóz jumdy. Dúnıejúzilik densaýlyq saqtaý uıymynyń málimetinshe, Eýropada aýrýdyń ósýi jalǵasýda.
Qazaqstan Respýblıkasy jáne qalǵan 10 óńir «jasyl» aımaqta ornalasqan. 4 óńir – sary aımaqta (Qaraǵandy, Qostanaı, Aqmola jáne Nur-Sultan qalasy). Qyzyl aımaqta 2 óńir (Pavlodar jáne Soltústik Qazaqstan oblystary) qalyp otyr», dedi vedomstvo basshysy.
Mınıstrdiń málimeti boıynsha, elimizde koronavırýstyń reprodýktıvtilik sany 0,93 deńgeıinde saqtalyp otyr.
«Jalpy, Qazaqstanda sońǵy aıda syrqattaný 2,4 ese – aıyna 1866-dan 773 jaǵdaıǵa deıin, stasıonarlardaǵy naýqastar 1,4 ese – aıyna 8750-den 6281 jaǵdaıǵa deıin, ambýlatorııalyq naýqastar 1,8 ese – aıyna 42 119-dan 23 188 jaǵdaıǵa deıin azaıdy. Infeksııalyq tósekterdiń júktelimi – 30%, reanımasııalyq tósekterdiń júktelimi – 25%», dedi Alekseı Soı.
