О́zbekstan Respýblıkasynyń Premer-Mınıstri Abdýlla Arıpovpen, sondaı-aq О́zbekstan Respýblıkasy Premer-Mınıstriniń orynbasary - QR Investısııalar jáne syrtqy saýda mınıstri Sardor О́mirzaqovpen, О́zbekstan Respýblıkasynyń Kólik mınıstri Ilhom Mahkamovpen jáne QR Aýyl sharýashylyǵy mınıstri Jámshıd Hodjaevpen kezdesýde ekijaqty saýda-ekonomıkalyq qatynastardyń negizgi máseleleri talqylandy.
Qatysýshylar ózara saýda kólemin $10 mlrd-qa deıin ulǵaıtýdy birlesken jumys úshin birinshi kezektegi mindetterdiń biri dep belgiledi.
Taraptar «Ortalyq Azııa» halyqaralyq saýda-ekonomıkalyq yntymaqtastyq ortalyǵy (HSEYO) jobasyn iske asyrý barysyn talqylady.
«Biz bul ortalyqty Qazaqstan men О́zbekstan shekarasyndaǵy saýda jáne ındýstrııalyq habtardyń biryńǵaı ekojúıesi jáne Ortalyq Azııa óńirindegi júk aǵyndarynyń negizgi toraby retinde qarastyramyz», - dep atap ótti Baqyt Sultanov.
Budan basqa, osy ortalyqtyń ónerkásiptik baǵyty týraly ýaǵdalastyqqa qol jetkizildi, bul eki eldiń ónerkásiptik kooperasııasyn damytýǵa múmkindik beredi.
Taraptar О́R Prezıdentiniń Nur-Sultanǵa sapary aıasynda tıisti qujattarda bekitiletin qorytyndy ýaǵdalastyqtarǵa shyǵý qajettigin atap ótti.
HSEYO barynsha ekonomıkalyq áserge qol jetkizý úshin jáne soltústik-ońtústik, batys Eýropa – Batys Qytaı kólik dálizderimen ıntegrasııalaý maqsatynda Qazaqstan tarapy HSEYO-ny Qazaqstan Respýblıkasynyń aýmaǵynda «Alataý» SO jáne «Qorǵas» ShYHO-men, sondaı-aq ózbek-aýǵan shekarasynda «Termez» HSO-men jáne О́zbekstan shekarasynda josparlanyp otyrǵan uqsas shekara mańyndaǵy ortalyqtardy Qyrǵyzstanmen jáne Túrikmenstanmen ushtastyrýdy qamtamasyz etýdi usyndy.
QR Saýda jáne ıntegrasııa mınıstriniń - QR Prezıdentiniń О́zbekstan boıynsha arnaıy ókiliniń kezdesýleri kezinde HSEYO jobasyn iske asyrý qazaqstandyq jáne ózbek taýarlaryn úshinshi elderdiń iri naryqtaryna birlesip jetkizý úshin Eýrazııalyq taýar ótkizý jelisin qurý jónindegi bastamany ilgeriletý, sondaı-aq maýsymaralyq kezeńde óz naryqtaryn molyqtyrý sheńberinde erekshe ózekti ekeni aıtyldy.
Kezdesýler barysynda Qazaqstannyń ınvestorlary esebinen О́zbekstan aýmaǵynda qosymsha 3 KTO salý máselesi, sondaı-aq QR soltústik óńirlerinde ózbek bıznesiniń KTO qurý múmkindigi talqylandy.
Qol jetkizilgen taǵy bir kelisim Agroekspress qalyptastyrý boıynsha birlesken jumys týraly sheshim boldy. Qazaqstan men О́zbekstan barynsha ózara tıimdi nátıjege qol jetkizý úshin óz is-qımyldaryn úılestirýdi josparlap otyr. Taraptar, sondaı-aq, maýsymaralyq kezeńde ishki suranysty turaqtandyrý úshin erte daqyldardy jetkizý boıynsha foraordtyq kelisimsharttarǵa qol qoıýǵa múddelilik bildirdi.
Kezdesý barysynda taraptar ózara saýdadaǵy kedergilerdi joıý boıynsha jumystardy da talqylady. Baqyt Sultanov TMD taýarlarynyń shyǵarylǵan elin anyqtaý erejelerin birizdendirý qajettigine nazar aýdardy, bul eki eldiń ózara saýdasynyń artýyna oń áser etedi jáne $10 mlrd belgisine odan da tez qol jetkizýge múmkindik beredi.
Sondaı-aq, Qazaqstan men О́zbekstannyń kólik salasyndaǵy, sonyń ishinde temirjol kóligi salasyndaǵy yntymaqtastyǵy talqylandy. Qazaqstan TQ-nyń Transkaspıı halyqaralyq kólik baǵdaryna qaýymdastyrylǵan músheler retinde kirýin quptaıdy.
О́zbekstan Respýblıkasy Prezıdentiniń aldaǵy sapary aıasynda taraptar óńiraralyq yntymaqtastyq forýmy men bıznes-forýmdy ótkizý múmkindigin talqylady.
Buryn habarlanǵandaı, О́zbekstan Respýblıkasynyń Prezıdenti Sh.M. Mırzıeevtiń Qazaqstan Respýblıkasyna memlekettik sapary 2021 jyldyń sońyna deıin kútilýde.
