Aımaqtar • 23 Qarasha, 2021

QyzPÝ-da jastardyń shyǵarmashylyq ortalyǵy ashyldy

136 ret kórsetildi

Almatydaǵy Qazaq ulttyq qyzdar pedagogıkalyq ýnıversıtetiniń qabyrǵasynda «Kórkem» Art-ortalyǵy ashyldy, dep habarlaıdy Egemen.kz atalǵan bilim ordasynyń baspasóz ortalyǵyna silteme jasap. 

Onyń ashylý rásiminde oqý ornynyń Basqarma tóraǵasy – Rektor Gúlmıra Qanaı qatysyp, ortalyq jastardyń súıikti ornyna aınalatynyna senim bildirdi.

Ortalyqty ashýdaǵy basty maqsat – bilim alýshylardyń shyǵarmashylyq talantyn damytý, stýdentterimizdiń bos ýaqytyn tıimdi ótkizýin qamtamasyz etý.

Ortalyq qajetti quraldarmen jabdyqtalǵan 4 stýdııadan turady.

«Sýret óneri» stýdııasynda beıneleý óneriniń qyr-syryn meńgertý, sýret ónerine degen qyzyǵýshylyqty arttyrý jumystary júrgiziledi. Sondaı-aq munda jastardyń shyǵarmashylyq izdenisterine jol ashý maqsatynda sheberlik synyptary da ótkizilmek.

Al «Toqyma óneri» stýdııasy sándik qolónerdi damytýǵa basymdyq beredi. Onda halqymyzdyń ejelden kele jatqan dástúri búgingi zamanymyzǵa saı jetildiriletin bolady. Stýdııada mamandar bilim alýshylardy toqyma toqý tehnologııasymen tanystyryp qana qoımaı, ony jasaýdy úıretpek.

«Dástúrli qolóner» stýdııasynda kıiz basý, shı toqý, jibek mataǵa sýret salý, keste toqý sııaqty qolóner jumystary júrgiziledi.

Qysh buıymdaryn jasaý joldary men ádis-tásilderin úıretý «Qysh buıymdaryn jasaý» stýdııasynda ótkiziledi.

Aıta keterligi, ortalyqqa ýnıversıtettiń kez kelgen bilim alýshysy sabaqtan tys ýaqytynda kelip, ózi qalaǵan óner baǵytyn meńgere alady. Eń bastysy – onyń barlyǵy tegin.

ALMATY

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar