Jýrnalıst Djosh Katsovıs IBF jáne IBO nusqalary boıynsha orta salmaqtaǵy álem chempıony Gennadıı Golovkınniń ekinshi orta sanattaǵy absolıýtti álem chempıony Saýl «Kanelo» Alvarespen úshinshi jekpe-jegi týraly pikirin bildi, dep jazady Sports.kz.
Katsovıs óziniń Tvıtterinde Gennadıı Golovkınmen sóılesip, odan «Kanelomen» jekpe-jek týraly suraǵanyn jazdy. Sondaı-aq, jýrnalıst Golovkınnen eger ol «Kanelomen» kúresýge taǵy bir múmkindik almasa, onyń mansabynda olqylyq bolady dep sanaı ma dep surady.
«Bul meniń mansabymda eshqandaı olqylyqtar qaldyrmaıdy. Men ózimdi jaıly sezinemin. Men úshin «Kaneloǵa» qatysty bári túsinikti. Eger bul jekpe-jek jetkilikti qyzyǵýshylyq týdyrsa jáne bári qyzyǵýshylyq tanytqan kezde qaınaý temperatýrasyna jetse, onda ol ótedi. Men ashyqpyn jáne oǵan daıynmyn. Árıne, «Kanelonyń» ne oılaıtynyn eshkim bilmeıdi», dep jaýap berdi boksshy Gennadıı Golovkın.
