7 MAMYR – OTAN QORǴAÝShYLAR KÚNI

DÁSTÚRGE ADALDYQ Er jigit úshin eń qymbat sezim Otan qorǵaý sezimi dep bilemin. Tepse temir úzetin kez kelgen er-azamat áskerı boryshyn óteýge asyǵady dep oılaımyn. Solardyń biri dep ózimdi aıtsam bolady. Sonaý Ońtústik Qazaqstan oblysynyń Túrkistan qalasy mańaıyndaǵy Keńes Odaǵynyń Batyry Abdolla Úsen aýylynda týyp-ósken meniń rýhanı astanadan resmı elordaǵa kelip, áskerı boryshymdy ótep jatqanyma ózimdi baqytty sanaımyn. Abdolla atamdaı elin, jerin shyn súıgen jaýynger bolyp, boryshymdy abyroımen atqaryp, týǵan aýylyma esen-saý oralsam degen nıetpen júrip jatyrmyn. О́tken jyldyń mamyrynda ásker qataryna shaqyrylǵan meniń kózdi ashyp-jumǵansha elge qaıtý merzimimniń taıap qalǵandyǵy qıyndyǵy men qyzyǵy qatar júretin áskerı ómirdiń óte tamasha ótkendigin aıǵaqtasa kerek. Synaptaı syrǵyǵan osy ýaqyt ishinde ózime tálim-tárbıe alarlyq biraz jáıtke qanyqtym. Ras, ásker ómirinde adamdy shyńdaý jolynda azdaǵan qıyndyqtar oryn alyp qalýlary yqtımal. Osy kezde bizdi odan alyp shyǵatyn Otanymyzǵa degen ulttyq rýhymyzdyń joǵary turýy bolmaq der edim. Rýhy myqty eldiń qashanda juldyzy joǵary bolmaq. Bizdiń izimizdi basyp, ásker qataryna shaqyrylǵan jas sarbazdarǵa Otan qorǵaý jolynda tabandylyq pen erik-jiger tileımin. Otan qorǵaýshylar kúni men Uly Jeńistiń 65 jyldyq mereıtoıy barshamyzǵa qutty bolsyn! Jalǵas QOShQAROV, №6636 áskerı bólimniń qatardaǵy jaýyngeri. ASTANA. ÁSKERI BORYShTY JÚREKPEN ATQARÝ KEREK Men óz sózimdi Uly Jeńistiń 65 jyldyq merekesi elimiz úshin qaıyrly, qutty bolsyn dep Otan úshin ot keshken ata-ájelerimdi quttyqtaýdan bastaǵym kelip otyr. Bizdiń osy kúnge jetip, beıbit zamanda el qorǵaý baqytyna ıe bolýymyzdyń qan maıdanda ot keshken maıdanger babalarymyzdyń arqasy ekeni belgili. Olarǵa búginde qandaı qurmet kórsetsek te artyq emes. Táýelsiz jas Otanymyzdy qorǵaý elim dep júregi soqqan ár sarbazdy patrıottyq se­zimge bóleıdi. Alǵash áskerge kelip, ant qabyldaǵannan keıin men ózim­niń Otan aldyndaǵy boryshymdy abyroımen, júrekpen atqarý qa­jettigin shyndap túsindim. Men úshin boryshymdy ótep jatqan ár kúnim Otanyma degen shyn súıispenshilikke toly desem artyq aıtqandyq emes. Ásker qataryna shaqyrylǵanymyz keshe ǵana edi, endi ornymyzdy bizden keıingi býyn basqaly otyr. Bul da bolsa bizdiń táýelsiz Qazaqstanymyzǵa kirpish bolyp qalanyp jatqanymyzdyń belgisindeı. Qaı kezde de Otanǵa degen ystyq sezim barshamyzdyń qanymyzda týlap jatýy tıis. Búgingi Otan qorǵaýshylar kúni Qazaqstan sarbazdaryn aıtýly tól merekelerimen quttyqtap, áskerı boryshtaryn abyroımen atqarýǵa nıettestigimdi bildiremin. Táýelsiz elimizdiń tuǵyry qashanda bıik bolǵaı. Birjan QANTО́REEV, №6506 ishki ásker bóliminiń qatardaǵy jaýyngeri. ShYMKENT.