Qyzmetterdiń basym bóligi elektrondyq formatta kórsetiledi. Salymshylarǵa 24,5 mıllıonnan astam onlaın-qyzmet kórsetildi, bul qyzmetterdiń jalpy kóleminiń 73,2%-n quraıdy. О́tken jylmen salystyrǵanda kórsetkishter eki esege derlik (byltyr on aıdyń ishinde Qor salymshylary qashyqtan 14,5 mln jýyq qyzmet aldy) ósti.
BJZQ saıty men uıaly baılanys telefonyndaǵy qosymshada ornalasqan Jeke kabınettiń kómegimen salymshylar qyzmetterdi qalaǵan ýaqytynda, kez kelgen jerde ala alady. Atap aıtqanda, bul qyzmetter jeke zeınetaqy shotynan úzindi kóshirme alý, óz derektemelerine ózgerister men tolyqtyrýlar engizý, JZSh-nyń bolýy týraly anyqtama alý, merzimsiz ýaqytqa 1 nemese 2 toptaǵy múgedektiktiń belgilenýine baılanysty zeınetaqy tólemderin taǵaıyndaý týraly ótinish berý, tólemge beriletin ótinishtiń mártebesin qadaǵalaý jáne taǵy basqalar.
«Avtomatty formatta (málimdemesiz ótinishter) 5,7 mıllıondaı qyzmet kórsetildi, ol jalpy kólemniń 17,4% teń. Mysaly, mindetti zeınetaqy jarnalaryn (MZJ) nemese erikti zeınetaqy jarnalaryn (EZJ) esepke alý boıynsha jeke zeınetaqy shottaryn avtomatty túrde ashý. Esterińizge sala keteıik, jeke tulǵanyń BJZQ-da ashylǵan JZSh bolmaǵan jaǵdaıda, ol BJZQ-nyń aqparattyq júıesinde birinshi jarna kelip túsken kezde avtomatty túrde ashylady», delingen taratylǵan aqparatta.
