Magdalena Andersson sársenbide úkimet basshysy bolyp taǵaıyndaldy, degenmen onyń koalısııalyq seriktesi úkimetten shyǵyp, usynǵan bıýdjeti qabyldanbaǵannan keıin otstavkaǵa ketti.
Onyń ornyna parlament oppozısııa daıyndaǵan bıýdjetke daýys berdi. «Men spıkerge otstavkaǵa ketkim keletinin aıttym», dedi M.Andersson jýrnalısterge.
Dese de Andersson taǵy da premer-mınıstr bolýǵa úmittenetinin jetkizdi. «Koalısııalyq úkimet bir partııa básekelestikten shyqqan kezde otstavkaǵa ketýi keregi jóninde Konstıtýsııalyq tájirıbe bar. Men zańdylyǵy kúmán týdyratyn úkimetti basqarǵym kelmeıdi», dedi sosıal-demokrattar ókili.
Shved áıelderi saılaýda daýys berý quqyǵyna ıe bolǵannan júz jyl ótken soń alǵash ret úkimet basshysy bolǵan 54 jastaǵy sosıal-demokrat jetekshisine parlament nemese Rıksdag músheleri qol shapalaqtady.
Onyń úkimet basshysy bolyp saılanýy oppozısııalyq solshyl partııamen 11 saǵattyq kelisimnen keıin júzege asqan. Nátıjesinde, demokrattar azamattardyń zeınetaqysyn kóbeıtýge kelisim berdi.
Negizinde Rıksdagtyń 349 múshesiniń 174-i oǵan qarsy daýys berdi. Biraq M.Anderssondy qoldaǵan 117 depýtattan basqa, taǵy 57 adam qalys qalyp, oǵan premer-mınıstr bolýǵa múmkindik berildi.
Ýppsala ýnıversıteti qalashyǵynyń júzý boıynsha burynǵy chempıony, óziniń saıası mansabyn 1996 jyly sol kezdegi premer-mınıstr Goran Perssonnyń saıası keńesshisi retinde bastaǵan. Sońǵy jeti jyl ishinde ol qarjy mınıstri qyzmetin atqardy.
