Aımaqtar • 29 Qarasha, 2021

Aqynyn Arqa alaqanǵa saldy

263 ret kórsetildi

Bıyl jetpis jastyń jelkenin kergen aqyn, aıtys ónerin kókke órletken kórnekti tulǵa, Qazaqstannyń eńbek sińirgen qaıratkeri Júrsin Erman týǵan ólkesine kelip, óziniń «Ulytaýǵa bardyń ba?» atty mýzykalyq-ádebı keshinde jyrsúıer qaýymmen qaýyshty. Sol kúnniń ertesinde Kenshilerdiń mádenıet saraıynda respýblıkalyq aqyndar aıtysy dúrkirep ótti.

Kesh shymyldyryǵy mereıtoı ıesiniń ómiri men shy­ǵar­­mashylyǵy jaıly syr shertken derekti fılmmen ashyldy. Odan keıin aqynnyń sııasy áli keýip úlgermegen «Uly­taýdan – Alataýǵa» at­ty jańa kitabynyń tusaýy kesildi.

Jetpistegi Júrsin Ermandy alǵashqy bolyp oblystyń ákimi Jeńis Qasymbek quttyqtady.

– Siz qazaqtyń tól óneri – aıtystyń qara narysyz. Bul – eldiń bergen joǵary baǵasy jáne bar qazaqtyń bergen batasy dep senemin. О́mirińizdiń elý jylyn osy aıtysty jań­ǵyr­týǵa, damytýǵa arnap, ony nasıhattaýmen kelesiz. Aıtys pen sizdiń esimińiz sınonımge aınaldy. Qalamyńyzǵa – qýat, shyǵarmashylyq tabys tileımin, – degen oblys basshysy mereıtoı ıesiniń ıyǵyna shapan jaýyp, laıyqty syı-sııapatyn jasady.

Sonymen birge, aqyndy áı­gili akter, kıno jáne teatr rejısseri, Qazaqstannyń Eń­bek Eri  Asanáli Áshimov basta­ǵan bir top zııaly qaýym ókili arnaıy kelip quttyqtady. Olar­dyń arasynda Qazaqstan Jazýshylar odaǵynyń tóraǵa­sy Ulyqbek Esdáýlet, Nesipbek Aıtuly, Altynbek Qorazbaev, Serik Aqsuńqaruly, Ǵalym Jaılybaı, Amanjol Áltaev syndy belgili azamattar boldy.

Mereıtoı ıesiniń keshin aqyn, Májilis depýtaty Ja­nar­bek Áshimjan ashyp, júr­gizip otyrdy.

Mýzykalyq-ádebı kesh barysynda Sáken Seıfýllın atyndaǵy Qaraǵandy oblystyq akademııalyq qazaq teatry­nyń ártisteri aqyn Júrsin Erman­nyń tanymal óleńderin jatqa oqyp, jyrsúıer qaýymnyń iltıpatyna bólendi. Sonymen birge sahnada jergilikti óner­paz­dar sózin mereıtoıy ıesi jazǵan ánderdi shyrqap, kórer­­menniń qulaq quryshyn qan­dyrdy. Ásirese, kıno j­á­ne teatr óneriniń abyzyna aı­nal­ǵan Asanáli Áshimovtiń jáne belgili sazger Altynbek Qorazbaevtyń oryndaýyn­daǵy jańa ánder ánsúıer qaýymdy aıtyp jetkizgisiz áserge bóledi.

Shyǵarmashylyq kesh ótken kúnniń ertesinde qaladaǵy Kenshilerdiń mádenıet saraıynda el esimderine jaq­sy qanyq 16 aqynnyń qaty­sýy­men Júrsin Ermannyń 70 jyldyǵyna arnalǵan res­pýblıkalyq aqyndar aıtysy ótti.

Jyr báıgesinde aqyndar mereıtoı ıesin maqtaýmen ǵana shektelmeı, qazirgi qoǵamdy alańdatyp otyrǵan birqatar máselelerdi de batyl aıtty. Toǵyz saǵatqa sozylǵan aıtys­ty aqyn, Qazaqstannyń eńbek sińirgen qaıratkeri Amanjol Áltaevtyń sheber júrgizgenin aıta ketken lázim.

Asanáli Áshimov bastaǵan qazylar alqasynyń sheshimimen aqyndar aıtysynyń bas júl­desi Jezqazǵan qalasynan ke­lip baq synaǵan Tólegen Ja­ma­novqa berildi.

Batys Qazaqstan oblysy­nyń aqyn qyzy Jansaıa Mýsı­na birinshi orynǵa tigilgen júldeni jeńip alsa, ekinshi báı­geni úsh birdeı aqyn – Erke­bulan Qaınazar, Aıtbaı Ju­maǵul jáne Qalıjan Bildash ózara bólisti.

Bes aıtysker úshinshi júl­dege laıyqty dep tanyldy. Olardyń qatarynda  Ásem Ereje, Baýyrjan Shır­medın­uly, Shalqarbaı Izbasarov, Tilegen Ádilov jáne О́mirjan Kópbosynov boldy.

Sonymen qatar bir top aqyn­ǵa ataýly syılyqtar be­­ril­­di. Mysaly, Muhtar Nııa­­zovqa Doskeı Álimbaı atynda­ǵy arnaıy júlde buıyr­sa, Kó­shen Eleý atyndaǵy syı­lyqqa Kerekýdiń aqyny As­panbek Shuǵataev ıe boldy. Son­daı-aq Almatydan kelgen Qazan Berdihan Qasym Aman­­jolov atyndaǵy arnaıy syılyqtyń, Aqtóbeniń aqy­ny Marat Ahmetov Shashýbaı Qoshqarbaıuly atyndaǵy syı­lyqtyń jáne túrkistandyq Bekarys Shoıbekov mereıtoı ıesi Júrsin Erman atyndaǵy syılyqtyń ıegeri atandy.

Jeńimpaz jáne júldeger aqyndarǵa arnalǵan júlde qory da qomaqty boldy. Mysa­ly, bas báıgeni jeńip alǵan Tólegen Jamanovqa 3 mıl­lıon teńgeniń sertıfıkaty tabys etildi.

Sonymen Ulytaýdan túlep ushyp, Alataýdyń qııasyna qanat qaqqan  aqıyq aqyn, qaı­ratker tulǵa Júrsin Er­man­nyń mereıtoıy týǵan to­pyraǵynda  joǵary deńgeıde uıymdastyrylyp,  este uzaq saqtalatyndaı dárejede ótti. Jetpiske jasy kelgen aqyn sahnanyń tórinde turyp, óziniń mereıin ósirip, mártebesin arttyrǵan jerlesterine, bar­sha qaýymǵa basyn ıip, alǵy­syn aıtty.

 

QARAǴANDY

Sońǵy jańalyqtar

Energetıka – ekonomıka draıveri

Ekonomıka • Búgin, 21:25

Birjaqty baılam hám batyl baǵdar

Pikir • Búgin, 20:55

Torǵaı tarıhyn tolǵaǵan

Tarıh • Búgin, 20:50

Jyl sózi

Álem • Búgin, 20:36

Quldyramaıtyn qundylyq

Tanym • Búgin, 20:20

Birde-bir shaǵym eskerýsiz qalmaıdy

Qazaqstan • Búgin, 19:55

Býrkına-Faso astanasynda oq atyldy

Álem • Búgin, 19:17

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar