Ekonomıka • 30 Qarasha, 2021

О́ńdeý ónerkásibinde ósim turaqty – Beıbit Atamqulov

34 ret kórsetildi

Bıylǵy 10 aıda elimizdiń óńdeý ónerkásibinde turaqty ósim saqtaldy. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy Egemen.kz.

«Memleket basshysy Qasym-Jomart Kemeluly Toqaev Qazaqstan halqyna arnaǵan Joldaýynda 2025 jylǵa qaraı óńdeýshi ónerkásip ósimin 1,5 esege arttyrýdy tapsyrdy. Bul maqsat Nur Otan partııasynyń saılaýaldy tuǵyrnamasynda da kórinis tapqan. Oǵan jetý úshin eki negizgi mindet qoıyldy. Birinshiden, Indýstrııalandyrý kartasy jáne iri ınvestısııalyq jobalar aıasynda óńdeýshi ónerkásip salalarynda jańa jobalardy iske qosý. Ekinshiden, «О́nerkásiptik saıasat týraly» zań jobasynda kózdelgen ónerkásipti memlekettik yntalandyrýdyń jańa sharalaryn iske asyrý»,  dedi B. Atamqulov.

Onyń aıtýynsha, bıylǵy 10 aıdyń qorytyndysynda elimizdiń óńdeý ónerkásibinde turaqty ósim saqtaldy. Naqty kólem ındeksi 5,8 % artyp, 13,4 trln teńgeni qurady. Bul ótken jyldyń sáıkes kezeńindegi kórsetkishten artyq. Is júzinde salanyń barlyq sektorynda oń dınamıka baıqalady.

 

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar