Bul tarıhı kúnde elimizdiń zań salasy mamandarynyń úlesi zor. D.Qonaev atyndaǵy Eýrazııalyq zań akademııasynda bas qosqan jıynda mamandar táýelsiz eldiń zań shyǵarý, quqyq júıesindegi jetistikterdi basshylyqqa aldy. Alqaly jıyndy akademııanyń rektory О́miráli Jalaırı ashyp, jas memlekettiń irgesiniń bekem bolýy zańnamasynyń myqtylyǵynda dep atap ótti. Akademııa basshysy elimizdiń zań shyǵarý isindegi ozyq tájirıbelerge toqtalyp, «Quqyqtyq memleket qurýdyń baǵdar etip ustanǵan eldiń basty qaǵıdasy zańǵa baǵyný, zańnyń ústemdigi. 1991 jyly 16 jeltoqsanda «Qazaqstan Respýblıkasynyń Memlekettik táýelsizdigi týraly Konstıtýsııalyq zańy qabyldandy. Ata Zańymyzdyń arqasynda saıası, ekonomıkalyq, áleýmettik máselede kóptegen jetistikterge jettik. Quqyqtyq máselelerge basymdyq bere otyryp, bul baǵytta postkeńestik elderden ozyq kelemiz. Konstıtýsııamen qatar Qylmystyq, Azamattyq, Eńbek kodeksin ázirleýdegi jetistikterimizdi kórshi elder moıyndap otyr», – deıdi О́miráli Jalaırı. Sonymen birge Qazaqstan dala zańdarynyń negizinde bıler sotynyń mańyzdylyǵyna mán berip sóılegen akademııa basshysy bul baǵytta ólim jazasyn tııýdy, bitimgershilik mámilege kelýdiń ozyq úlgileri jaıynda aıtyp ótti. Bıler sotynyń aldaǵy ýaqytta kóptegen basymdyqtaryn qoldanysqa engizetin bolsaq, onda elimizde qylmys ataýly azaıǵan bolar edi.
Reseı, О́zbekstan, Monǵolııadan sarapshylar qatysqan jıynda Táýelsizdiktiń qasterli uǵym ǵana emes, jas urpaq boıynda otansúıgishtik qasıetterdi damytyp, tarıhymyzdy tereńnen tanýǵa yqpal etetin uly kúsh ekendigine mán bergen sarapshylar árbir qazaqstandyq úshin qasterli uǵymdy qadirlep, memlekettiń beıbitshil rýhyn kóterip, onyń damýyna atsalysý árqaısymyzdyń paryzymyz ekendigine toqtaldy.
«Táýelsizdiktiń 30 jyldyǵy esh boıamasyz tarıhı oqıǵa. Bul zamanaýı táýelsiz memleket qura bilgen Qazaqstan halqynyń tarıhı jetistiginiń jarqyn dáleli», – dep atap ótti Tuńǵysh Prezıdent qory atqarýshy dırektorynyń orynbasary, Prezıdent janyndaǵy Adam quqyqtary jónindegi komıssııa tóraǵasy, Eýropa keńesi Venesııa komıssııasynyń múshesi, zań ǵylymdarynyń doktory, professor Igor Rogov. Aıtýly mereke qarsańynda osy úsh onjyldyqta memleketimizdiń jetken jetistikterin ǵylymı turǵydan saralaý qajettiligi tur. О́ıtkeni egemendik jolynda otandyq zańgerlerdiń etken eńbegi orasan. Táýelsizdik alǵan kezeńde Qazaqstanda kásibı myqty quqyqtyq mektep qalyptasty. Quqyqtyq memleket qurý jolynda Konstıtýsııany ázirleýde Salyq Zımanov, Sultan Sartaev syndy zańger ǵalymdardyń úlesi zor. Ǵalymdar shetelder tájirıbesine súıenip qana qoımaı, bilimi men tájirıbeleriniń joǵary ekenin kórsetti. Búginde elimizdiń zańgerleri Memleket basshysy Q.Toqaev tapsyrǵan mindetterdi oryndaý jolynda zanaýı álemdik tegeýrinder men el ishindegi máselelerdi sheshýde joǵary biliktilik tanytyp keledi.
Jıyn barysynda Sybaılas jemqorlyqqa qarsy is qımyl agenttiginiń basshysy Qýanysh Japaqov vedomstvo jumysy týraly aıtyp ótti. «Tuńǵysh Prezıdent Elbasynyń sarabdal saıasatynyń arqasynda Qazaqstanda jemqorlyqpen kúres táýelsizdiktiń alǵashqy kezeńinen bastap jolǵa qoıyldy. Únemi jetildirilip otyratyn arnaıy baǵdarlama qabyldandy. Búginde bizdiń maqsatymyz – para alǵandardy tergeý emes, jemqorlyqtyń aldyn alý qadamdary ázirlendi. Mysaly, para berýshilerdiń, sondaı-aq ony qabyldaıtyndardyń jazasyn qatańdatý, zańsyz syıaqy berý jáne basqa da sharalar týraly habarlaıtyn komplaın-qyzmetterdi kúsheıtý isi qolǵa alyndy. Osy úsh onjyldyqta Qazaqstan quqyqtyq memleket qura bildi ári bul baǵyttaǵy jumystar qarqyndy damyp keledi», – dedi vedomstvo basshysy.
Osy jıynda Qarjy monıtorıngi agenttigi tóraǵasynyń orynbasary Jeńis Elemesov, «Qazaqstan Respýblıkasynyń zańnama jáne quqyqtyq aqparat ınstıtýty» RMK dırektory, zań ǵylymdarynyń kandıdaty Ramazan Sarpekov, taǵy basqa sala mamandary egemendi eldiń zańnama júıesi, memlekettiń egemendigin qamtamasyz etýde qylmystyq-quqyqtyq mehanızmder, sot júıesi, quqyq salasyn sıfrlandyrý máselelerin keńinen talqylady.
