Ekonomıka • 30 Qarasha, 2021

Mobıldi aýdarymdarǵa salyq salyna ma? Qarjy mınıstrligi túsinik berdi

285 ret kórsetildi

Qazirgi ýaqytta áleýmettik jelilerde mobıldi aýdarymdardan bas tartyp, qolma-qol aqshaǵa kóshýge shaqyratyn aqparattar taralýda, dep habarlaıdy Egemen.kz Qarjy mınıstrliginiń baspasóz qyzmetine silteme jasap.

Bul oraıda salyq zańnamasyna mobıldi aýdarymdardy paıdalanýǵa qatysty engizilgen ózgertýler, jeke tulǵalardyń jeke aýdarymdaryn /kásipkerlik maqsatta júzege asyrylatyn mobıldi tólemderden/ bólýge arnalǵan. Olar bıznes qaýymdastyqpen jáne banktermen birneshe ret talqylanǵan.

«Bul bastamalardyń maqsaty sıfrlyq keńistikte bıznesti damytýdy kózdeıdi, qolma-qol aqshaǵa kóshýdi múldem kózdemeıtinin eskerińiz. Munymen qosa, barlyq málimetter memlekettik kiris organdaryna beriledi eken degen aqparat ta negizsiz. Alańdaýǵa eshqandaı negiz joq. 2022 jyldan bastap bankterden tek kásipkerlik shottaryna túsken tólemder týraly aqparat alý josparlanýda. Sondyqtan, jeke aýdarymdarǵa salyq salynbaıdy.

Al eger siz jeke kásipker bolsańyz, salyq salý boıynsha ózińizge yńǵaıly rejımdi tańdaı alasyz. Mysaly, taksı júrgizýshileri patent negizinde arnaıy salyq rejımin qoldana alady. Bul rejım tabysy jylyna 10 mıllıon 300 myń teńgeden aspaıtyn jaǵdaıda ǵana qoldanylady. Kassalyq apparattarǵa qatysty. Qazir birneshe mobıldi qosymshalar bar. Kásipker onlaın kassanyń mobıldi nusqasyn júktep alyp, zańdy túrde paıdalana alady.

Al salyq eseptiligi e-Salyq Business qosymshasyn engizý arqyly avtomatty túrde jasalady. Bul sharalardyń barlyǵy bıznesti júrgizýdi odan ári jeńildetýge baǵyttalǵan. Eske salaıyq, qabyldanǵan moratorıı aıasynda jeke kásipkerler 2023 jylǵa deıin tabys salyǵyn tóleýden bosatylǵan. Sondyqtan, qurmetti kásipkerler arandatýshylyqqa boı aldyrmaı, ýákiletti organdardyń resmı aqparatyna ǵana senýge shaqyramyz», delingen mınıstrliktiń habarlamasynda.

Sońǵy jańalyqtar

Almaty ortalyǵynda ǵımarat órtendi

Aımaqtar • Búgin, 21:54

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar