Qoǵam • 30 Qarasha, 2021

Erine artylǵan úmit aqtalǵan kezeń

152 ret kórsetildi

Ultymyzdyń nanym ólshemimen órsek otyz jas – tula boıyńdy tiktep, óz ortańdaǵy ornyńdy ornyqtyratyn «ordabuzar» kezeń. Dál osy jylnamalyq sáı­kestikti Táýelsiz Qazaqstannyń bıylǵy úshinshi onjyldyǵymen sabaq­tas­ty­ryp ótsek.

Tyǵyryqqa tirelgen toqsanynshy jyldardyń toqyraýyn tarıhtyń tereń tamyrymen tuńǵıyqqa batyrǵan alǵashqy onjyldyqty – «Qalyptasý kezeńi» dep alaıyq. Eleń-alańdaǵy el úmiti úziler aldyndaǵy shaq bul. Táýelsizdik tańy atyp, saıasattyń salmaǵyn eńsere alatyn sańlaqty saralap, táýekelge táý etetin tus. Bul – azattyǵyn ań­sa­ǵan Alashtyń tuńǵysh Prezıdenti saı­lanǵan 1991 jyldyń 1 jeltoqsany. Qazaqstandyq saılaýshylardyń 98,7 pa­ıyzy demokratııaly túrde Nursultan Nazarbaevty jaqtap daýys bergen saıa­sı oqıǵa. Osy jyly el egemendigin ja­rııalap, eńse kóterýge talpyndy. Tu­­ralaǵan tirlik, bolashaǵy beımálim bu­qara tek Qazaqstannyń Tuńǵysh Pre­zı­denti Nursultan Ábishulyna ǵana senim artty. Elbasynyń aldynda shekarany shegendeý, ulttyq valıýtamyzdy engizý, el ekonomıkasyn qalyptastyrý, qan­das­tar­dy elge shoǵyrlandyrý syndy kúrdeli mindetter turdy. 1993 jylǵy 5 qarashada «Aqsha júıesin turaqtandyrý jónindegi shuǵyl sharalar týraly» Prezıdent Jarlyǵy shyǵyp, 1993 jyly 15 qarasha «Ulttyq valıýta kúni» dep belgilendi.

BUU men ózge de halyqaralyq iri uıym­darǵa múshelik Qazaqstannyń álemge ta­nylýyna jol ashty. Ekonomıkalyq daǵdaryspen kúreste Elbasynyń tókken teri tekke ketken joq. Dúken sóreleriniń bos qalyp, jalaqynyń keshiktirilýi, elektr energııasynyń jetkiliksizdigi Úki­­metti sarsańǵa salǵanyn bilemiz. О́t­pe­­li kezeńniń ótkelderinen eldi aman alyp shyǵý úshin memleket bıligi aıanbaı eńbek etti. Konstıtýsııamyz ben kezek kúttirmeıtin zańdar qabyldandy. Eldiń beıbitshiligi men ulttar dostyǵynyń aıshyqty kórinisi retinde QHA óz ju­my­syn bastady. Qazaqstannyń eko­no­mıkalyq-qarjylyq táýelsizdigi aı­qyndalyp, mu­naı ónerkásibi saltanat qurdy. Osy jyl­dar Elbasynyń pár­me­nimen eldiń áleýmettik-ekono­mı­ka­lyq damýynyń stra­tegııalyq jospary qabyldanyp, qar­jy ınstıtýttary qar­qyndy túrde alǵa jyl­jy­dy. 

Táýelsiz Qazaqstannyń ekinshi on­jyl­dyǵyn «Damý kezeńi» dep qaras­tyr­saq. Toqsanynshy jyldardyń sońy men 2000 jyldardyń basynda ekonomıkany odan ári damytýmen qatar «Mádenıetti qoldaý jyly», «Densaýlyq jyly», «Aýyldardy damytý jyly», «Urpaqtar sabaqtastyǵy jyly» sekildi ekpin berilýge tıis salalardyń tamyryna qan júgirtýge týra keldi. 2001 jyl búginde el ıgiligin kórip otyrǵan «Batys Qytaı – Batys Eýropa» jobasy qolǵa alyndy. Saıası partııalar men úkimettik emes uıymdar belsendiligi joǵarylap, demokratııalyq qoǵam qalyptastyrýǵa atsalysty. Ha­lyq­tyń jaǵdaıyna basa nazar aýdarylyp, qazaqstandyqtardy qoldaýdyń jańa mehanızmderi en­gizildi.

Elbasynyń Joldaýlary damýdyń tólqujaty retinde qabyldandy. Úkimet pen memlekettik qurylymdar Joldaý júk­­tegen mindetterdi túbegeıli iske asy­­­rý arqyly nátıjeli mejelerge qol jet­­kizýdi jolǵa qoıdy. Ekinshi on­jyl­dyq Elbasymyz bas sáýletshisi bolǵan Elor­da­ny damytýmen qatar, shaǵyn jáne orta bız­nesti ilgeriletýge, mono­qa­la­lardy jań­ǵyrtýǵa, jastarǵa qoldaý kórsetýge ar­naldy. 

Men «Samǵaý kezeńi» dep aıdar taq­qan úshinshi onjyldyqty ótkenimizdi saralap, kemel keleshegimizge sapar shekken tolysý dáýiri degen bolar edim. Qazaqstannyń turaqty damýy, Qazaq eliniń tórtkúl dúnıeniń tórt buryshyndaǵy bedeli jyl ótken saıyn paryqtalyp, Tuń­ǵysh Prezıdenttiń parasaty tanym tu­ǵ­­yrynda turaqtaldy. Búginde dúnıe­­júzi Qazaqstandy Elbasynyń esi­mi­men sabaqtastyrady. Bul jetistik – Nursultan Nazarbaevtyń utqyr qadamdarynyń aıqyn kó­ri­nisi.

Tuńǵysh Prezıdentimizdiń álemdi  dos­­tyqqa úndeıtin bastamalary – Uly da­lanyń darhandyǵyn, qazaq halqynyń keń peıilin beıneleıtin biregeı beles. Álemdik jáne dástúrli dinder kósh­bas­shy­la­rynyń elordamyzda bas­qo­sýy dástúrge aınaldy. EKSPO-2017 ha­lyq­aralyq kórmesi kezinde mıl­lıon­da­ǵan týrıstiń qazaq jerine aǵylýy egemen eldiń eńsesin odan ári tikteı tústi.

Elbasy N.Nazarbaevtyń el basqarý tizginin Q.Toqaevqa tabystaýy kóregendik pen kemeńgerligin kórsetse kerek. Tuńǵysh Prezıdent kúnin Táýelsizdigimizdiń basty sımvoldarynyń biri retinde kóshbasshyǵa kórsetilgen erekshe qurmet dep bilemin. Solaı bolýy da tıis. Elimiz tynysh, jurtymyz aman bolǵaı!

 

Gúlnar ESQALIEVA,

Qyzylorda oblystyq
máslıhatynyń depýtaty

Sońǵy jańalyqtar

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar