Jeltoqsan aıynda aýa temperatýrasy Qazaqstannyń ońtústik jartysynda klımattyq normaǵa saı, soltústik jartysy men batysynda normadan 1 gradýs joǵary bolady dep kútiledi. Jaýyn-shashyn mólsheri respýblıkanyń basym bóliginde normada, respýblıkanyń ońtústik-batys jartysynda normadan tómen, shyǵysta, soltústik-batysta normadan kóp bolady dep kútiledi.
Aıdyń basynda Skandınavııa aýdandarynan sýyq aýa massalarynyń aǵynymen atmosferalyq fronttar turaqsyz aýa raıy bolatynyn boljaıdy. Respýblıkanyń qalǵan bóliginde jaýyn-shashyn kútiledi, ońtústik oblystarda - jaýynnyń arty qarǵa aýysady. Aıdyń ortasynda eldiń ońtústik-shyǵysyndaǵy taýly jáne taý bókterindegi aımaqtarynda qatty jaýyn-shashyn, qatty jel soǵyp (15-23 m/s) arty burqasyn, tuman, kóktaıǵaq qubylystaryna jalǵasady.
Jeltoqsannyń alǵashqy kúnderinde kóptegen óńirlerde aýa raıy jyly bolady:
- soltústik jartysynda aýa temperatýrasy túnde-10-18°S-tan 0,-8°S-qa deıin, kúndiz-3-8°S-tan -5+5°S-qa deıin kóteriledi;
- respýblıkanyń ońtústiginde - túnde -2+8°s deıin, kúndiz + 10+18°S deıin.
- Batys óńirlerde, kerisinshe, aýa temperatýrasy túnde 0, -8°S, kúndiz 0,+7°S deıin tómendeıdi dep kútiledi.
Birinshi onkúndiktiń ortasynan bastap Barens teńizi aýdandarynan soltústik-batys antısıklonnyń kirýimen aýa temperatýrasy tómendeýi múmkin:
- batysta, soltústik-batysta túnde-7-15°S deıin, kúndiz-5-11°S deıin;
- soltústikte, ortalyqta, shyǵysta túnde-18-26°S deıin, kúndiz-10-18°S deıin;
- ońtústik-batysta túnde 0,-5°S deıin, kúndiz +2+7°S deıin;
- birinshi onkúndiktiń sońynda ońtústikte, ońtústik-shyǵysta túnde-5-13°S-qa deıin,kúndiz 0-5°S-qa deıin;
Birinshi onkúndiktiń sońynda jáne ekinshi onkúndiktiń basynda Jerorta teńiziniń shyǵys jaǵalaýyndaǵy aýdandardan jyly aýa massalarynyń kezekti shyǵarylýymen aıaz álsireıdi degen boljam bar.
Respýblıkanyń soltústik, shyǵys jáne ortalyq aımaqtarynda jeltoqsannyń úshinshi onkúndiginde túnde -27-35°S-qa deıin, kúndiz-18-25°S-qa deıin joǵary qarqyndy sýyq tolqyndarynyń qaıtýy kútiledi. Qazaqstannyń batys jáne ońtústik óńirlerinde aýa temperatýrasy túnde-5-15°S-tan 0,-5°S-qa deıin, kúndiz 0,-10°S-tan 0,+5°S-qa deıin aýytqıdy.
Kúndizgi aýa temperatýrasy +10°S jetken kezde aıdyń ortasynda ońtústik jáne ońtústik-shyǵys aımaqtarda aýa-raıy jyly bolady.
Qarly boran men jeldiń kúsheıýi aıdyń ekinshi jáne úshinshi onkúndiginde Qazaqstannyń soltústik jartysynda jáne taý bókterinde bolady.
Eskertý: bir aıǵa arnalǵan boljamdy konsýltatıvtik boljam retinde paıdalaný kerek, ol keıinnen onkúndikke arnalǵan aýa raıy boljamdarymen naqtylanady.
