Týrızm • 02 Jeltoqsan, 2021

Malaızııa qazaqstandyqtar úshin shekarasyn ashty

55 ret kórsetildi

Malaızııa Úkimeti qazaqstandyqtar úshin shekarasyn ishinara ashty. 2022 jyldyń qańtarynan bastap vaksına saldyrǵan qazaqstandyq týrısterge búkil memleket aýmaǵynda júrýge ruqsat etiledi, dep habarlaıdy Egemen.kz

GoTour týrıstik agenttiginiń dırektory Iаna Haırýtdınovanyń aıtýynsha, qazirgi ýaqytta daıyn týrpaketterdi daıyndaý tek Qazaqstanda ǵana emes, búkil álemde epıdemıologııalyq jaǵdaı turaqtalǵanǵa deıin belgisiz merzimge shegerildi. 

«Bul baǵyt otandyq týrıster arasynda árqashan tanymal boldy. Buryn habarlanǵandaı, Malaızııada halyqaralyq týrıstik kópirshiktiń pılottyq jobasy anyqtaldy, ony koronavırýstyq pandemııany basqarý jónindegi arnaıy komıtet maquldady. Bizge Malaızııaǵa týrlar boıynsha ótinimder túsip jatyr», dedi Iаna Haırýtdınova.

Malaızııa bıligi jarııalaǵan erejelerge sáıkes, el aýmaǵyna kirý úshin qazaqstandyqtarǵa qajet: 

  1. DDU maquldaǵan eki komponentti preparatpen, sondaı-aq reseılik «Sputnik V» vaksınasyn saldyrtqany týraly sertıfıkat. 
  2. Belgilengen ushýǵa deıin 72 saǵattan erte emes ýaqytta jasalǵan PTR-testiniń teris nátıjeleri. 
  3. Eń tómengi ótemi 80 myń dollardy quraıtyn saqtandyrý polısi. 
  4. Barlyq qajetti qyzmetterdiń brondaýyn jáne lısenzııalanǵan týrıstik kompanııalardyń biriniń turýyn rastaıtyn qujat. 
  5. Kelý kezinde vıza alý quqyǵy bolmasa, jaramdy vızasy bar pasport.

18 jasqa deıingi balalarǵa vaksınasııalanbaýǵa ruqsat etiledi, biraq olardyń ata-analary nemese birge júretin qamqorshylary mindetti túrde vaksınalanǵan bolýy kerek.

Vaksınasııalanǵan saıahatshylar karantınnen bosatylady, olarǵa Langkavı aralynyń aýmaǵynda erkin júrýge ruqsat etiledi. Kýala-Lýmpýr halyqaralyq áýejaıyna kelgen qazaqstandyqtarǵa molekýlıarlyq test tapsyryp, teris nátıjeler alý, ımmıgrasııalyq baqylaýdan ótý, sondaı-aq Langkavıge deıingi ishki reıske tirkelý qajet bolady. 

Sondaı-aq, týragenttikte standartty rásimder ýaqyt óte kele ózgeretini, al malaızııalyq týrsektordy qalpyna keltirý boıynsha pılottyq jobany engizý jańa shtammnyń paıda bolýyna baılanysty keıinge shegeriletini atap ótildi. Alǵashqy úsh aıda Densaýlyq saqtaý mınıstrligi men Ulttyq Qaýipsizdik Keńesi baǵdarlamanyń tıimdiligin baǵalaıdy. 

Aıta ketsek, Malaızııa halqynyń 76%-dan astamy qazirdiń ózinde tolyq vaksınasııalanǵan.

Sońǵy jańalyqtar

Almaty ortalyǵynda ǵımarat órtendi

Aımaqtar • Búgin, 21:54

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar