Jańadan ashylǵan tomografııa kabınetin aralap kórgen densaýlyq saqtaý basqarmasynyń basshysy B. Pozılov ınsýlt saldarynan bolatyn ólim-jitim sanyn azaıtý úshin dıagnostıkalaýda qurylǵynyń mańyzy zor ekenin aıtty.
Búginde qalanyń 22 medısınalyq mekemesinde kompıýterlik tomografııa kabınetteri bar. Mundaı qurylǵynyń arqasynda dárigerler júrek-qan tamyrlaryndaǵy dertterdi der kezinde anyqtap, ınsýltti emdeýdiń tıimdi ádisterin qoldanýda.
Aıta ketsek, zamanaýı úlgidegi apparat AQSh-tan ákelingen. Bul tek júrek qan tamyrlarynyń aýrýyn ǵana emes, sonymen qatar mı, ókpege qatysty aýrýlardy da anyqtaıdy.
Qurylǵy qarama-qarsy tústerdi qoldanyp, baǵdarlamanyń arnaıy paketterin qosý arqyly júrek qan tamyrlarynyń zaqymdaný deńgeıin baıqaýǵa, súıek tinderiniń mıneraldy tyǵyzdyǵyn anyqtaýǵa jaǵdaı jasaıdy.
