Epıdahýal turaqtalyp keledi

О́ńirde «qyzyl aımaqtaǵy» 5 aılyq qatań shekteý sharalary endi «Sary aımaqqa» da ótip, qoldanystaǵy karantın sharalaryn saqtaý jáne onyń saqtalýyna baqylaýdy kúsheıtý jumystary bastaldy. Oblystyq epıdemııalyq-sanıtarlyq ba­qy­laý departamentiniń má­li­me­tin­she, osy ýaqytqa deıin jalpy in­det juqtyrǵan 44 254 naýqas tir­kelse, 41 173-i indetten jazylyp shyqqan. Al qarasha aıynyń sońynda «sary aımaqqa» ótýdiń bir sebebi, óńirde vaksınalaý belsendi jalǵasýda jáne Ashyq qosymshasyn qoldaný qatań túrde talap etilýde. Sondyqtan jedel sharalar nátıjesin berýge tıis edi. Sonymen birge oblysta indetten kóz jumǵandar sany azaıyp, qyrkúıek aıynda – 98 adam, qazan aıynda 62 adam qaıtys bolǵan. Olardyń kóbinde basqa da aýrý­lary bol­ǵa­ny anyqtaldy. Mysaly, qa­zan aıynda aýrýhanada indet juqtyrǵan 1 193 adam em qabyl­dady. Infeksııalyq oryn­dar­dyń júktemesi 52,4 paıyz boldy. О́ńirde ınfeksııalyq oryn­­darǵa naýqastardyń túsýi­niń azaıýyna baılanysty qo­symsha ashylǵan oryndar qys­qartylýda. Qazir barlyq aýdan­dyq aýrýhanalardaǵy jáne oblys ortalyǵyndaǵy ınfek­sııa­lyq bólimder jabyldy.

Jalpy, basqarmanyń máli­me­ti boıynsha 14 qarashada aýrýǵa shaldyqqandar sany 100-den asqan bolatyn. Odan keıin apta boıy indet juq­tyr­ǵan­dar­dyń sany kún saıyn azaıdy. Emhanaǵa túsken naýqastarǵa qa­jetti ottegi qurylǵylary jet­kilikti, medısınalyq personaldyń qajetti mólsheri bar. Emhanalardyń janynda 166 mobıldi brıgada, al PTR dıagnostıkasyn júrgizýge arnalǵan 7 zerthana jumys isteýde. Táýligine orta eseppen 2 300 PTR qorytyndysy shy­ǵa­rylady.

Elimizde indetke qarsy revaksınalaý bastalǵany belgili. Bul degenimiz – ekpeni eki ret qa­byldaǵan adamdar 6-9 aı ótken soń ekpeni qaıta alady degen sóz. Oblysta búginde 35 adam ekpeni qaıta saldyrǵan. Densaýlyq saqtaý basqarmasynyń máli­me­tinshe, qazir medısına qyz­met­kerleri, dárigerler de revak­sınalaýǵa qatysýda. Al revak­sı­nalaýǵa bıyl aqpan aıy men naýryzda ekpe alǵan adamdar qatysa alady. Jyl sońyna deıin 60 jastan asqan adamdar da ekpeni qaıta qabyldaıdy. Bul úshin eGov elektrondy portaly arqyly kezekke jazylady.

– CoronaVac, Hayat-Vax, QazCovid-in ekpesin alǵandar revak­sınalaý kezinde Spýtnık V nemese Pfizer vaksınasyn saldyra alady. Al Pfizer-di sal­dyrǵandar Spýtnık V, CoronaVac, Hayat-Vax, QazCovid-in preparattaryn qa­­byl­­daıdy. Reseılik ekpeni al­ǵan­­­dar da qaıta vaksınalaý ke­zinde vaksınanyń 4 túrin tań­daı alady, – deıdi basqarma ókilderi.

Revaksınalaýǵa qatys­qan­dar­dyń málimeti elektrondy qujatta belgilenbek. Qazirgi ýaqytta oblysta eki ret ekpe alǵandar sany 309 myńǵa jetken.

Oblystyq sanıtarlyq-epı­­de­mııalyq baqylaý de­par­­tamentiniń málimetinshe, ótken aptanyń sońynda óńirge Pfizer vaksınasy jetkizilgen. Pfizer ekpesin alýda oblys ortalyǵy, Ekibastuz qalasy men Ertis, Baıanaýyl aýdandarynyń tur­ǵyn­dary belsendilik kórse­tý­de. Oblystyq densaýlyq saq­taý basqarmasynyń basshysy Aıdar Seıitqazınov ta ekpeni qaıta saldyrdy.

– Revaksınalaý qazir emhanalarda júrgizilýde. Buǵan deıin Spýtnık V vaksınasyn saldyrǵandar 9 aıdan keıin qaıta ekpe saldyrady, QazVac preparatyn qabyldaǵandar araǵa 6 aı salyp revaksınalaýǵa qa­tysady, – deıdi basqarma basshysy.

Jalpy, oblysta indetke qar­sy ekpeniń alǵashqy danasyn 339 myńǵa jýyq adam saldyrsa, ekinshi komponentti 312 myńnan astam adam aldy.

Oblys ortalyǵynda karan­tın talabyn buzǵan bıznes nysandary da anyqtaldy. Qalalyq ákimdiktiń baspasóz qyzmetiniń málimetinshe, monıtorıng barysynda 26-29 qarasha aralyǵynda 62 shaǵyn jáne orta bıznes nysanynda tekseris júrgizilip, karantın tártibin buzǵan 26 nysan anyqtalǵan. Kóbinese bıznes nysandarynda kelýshiler men qyzmetkerlerdiń betperde taqpaýy, ruqsat etil­gen ýa­qyttan tys merzimde ju­­mys is­teýi anyqtalǵan. Ka­ran­tın ta­­lap­taryn buzǵan nysandar qatarynda Beerlandia, Alpenhof, TUYA meıramha­nalary, «Barys», «Artýr», «Kvazar», Atrium, «Mıras», «Gýllıver», «Tulpar» saýda úı­leri men Egle aıaq kıim salony jáne Mır kóshesi 52 mekenja­­ıy boıynsha kóterme saý­da dúkeni, Eco bazaar bazary, Garage gastro bary, LA casa de papel bar. Barlyq anyqtalǵan faktiler boıynsha sharalar qabyldanyp, materıal­dar she­shim qabyldaý úshin sanı­tar­lyq-epıdemııalyq baqylaý bas­qar­ma­syna jiberildi.

Pavlodar oblysy