QHL-diń «Batys» konferensııasynda úshinshi orynda kele jatqan «Dınamo» birinshi kezeńniń alǵashqy segiz mınýtynda «Barys» qaqpasyna jaýapsyz úsh shaıba soǵyp, esepte alǵa shyǵyp aldy. Shaıbanyń avtorlary – Anton Vedın, Vıacheslav Voınov jáne Oskar Lındberg. Qonaqtardyń úshinshi golynan keıin «Barys» qaqpashy aýystyrdy. Muzaıdynǵa Nıkıta Boıarkın shyqqan soń, máskeýlikterdiń qarqyny biraz báseńdegendeı boldy.
Ekinshi kezeńde Iýrcho men Dıstiń pasynan keıin Kodı Kýnık esep aıyrmasyn qysqartqanymen, úshinshi 20 mınýttyqta qonaqtardyń surmergeni Vadım Shıpachıov komandasynyń osy oıyndaǵy tórtinshi, óziniń 20-shaıbasyn saldy. Sońǵy kezeńniń orta tusynda Kertıs Volk esepti 2:4-ke jetkizgenimen, jeńisti julyp alýǵa «Barystyń» shamasy jetpedi.
