Saıasat • 04 Jeltoqsan, 2021

Shavkat Mırzııoev: Túrki memleketteri orasan zor resýrsqa ıe

65 ret kórsetildi

О́zbekstan Prezıdenti Shavkat Mırzııoev «Egemen Qazaqstan» RG» AQ basqarma tóraǵasy Darhan Qydyrálige bergen suhbatynda taıaýda ǵana qurylǵan Túrki memleketteri uıymynyń áleýeti zor ekenin atap ótti. Sondaı-aq ol óz sózinde Qazaqstannyń Tuńǵysh Prezıdenti Nursultan Nazarbaevtyń túrki álemi elderin biriktirý jolyndaǵy tabandy jumysynyń aıryqsha mańyzǵa ıe ekenin de sóz etti, dep habarlaıdy Egemen.kz.

«Uıymnyń mańyzdylyǵyn aıta otyryp, men eń aldymen, qadirmendi aqsaqalymyz Nursul­tan Ábishuly Nazarbaev­tyń túrki álemi elderin biriktirý ıdeıasyn konseptýaldy ázirleý men is jú­zinde júzege asyrýdaǵy, sondaı-aq yntymaqtastyqty ınstı­týt­tan­dyrýdaǵy orasan zor, negiz qa­laý­shylyq rólin atap ótkim keledi», dedi О́zbekstan Prezıdenti.

О́zbekstan basshysy tutas túrki jurtynyń maqsat-muratyn bir arnaǵa toǵystyrǵan uıymnyń alǵa qoıǵan mideti zor ekendigine de aıryqsha toqtaldy.

«Búgingi tańda uıymnyń aldynda birqatar mańyzdy min­det­ter tur. Bizdiń oıymyzsha, bul birinshi kezekte qatysýshy mem­leketter arasyndaǵy saýda-ekonomıkalyq baılanystardy odan ári damytý jáne nyǵaıtý. Osyǵan baılanysty ózara taýar aınalymy kólemin ulǵaıtý bo­ıynsha usynystar ázirleý úshin Túrki memleketteriniń saýda yntymaqtastyǵy máselelerin zertteý ortalyǵyn qurý týraly usynysty alǵa tarttyq. Uıym­nyń ıntegrasııalyq áleýetin is­ke asyrýda qatysýshy elderdiń kó­liktik sektordaǵy ózara baılanys baǵdarlamasynyń qabyldanýy asa mańyzdy bolady», deıdi Shavkat Mırzııoev.

Jańa uıymnyń bir maqsat jolynda túrki memleketterimen birlesip atqarar jumysy az emes. Ásirese jastardyń jańashyl ıdeıalaryn qoldaý, ıntelektýaldyq jáne ekonomıkalyq áleýetti arttyrý, týrızm salasyna jan bitirý jáne ózge mańyzdy máseleler kún tártibinen túspek emes.

«Jańa, ınnovasııalyq jáne tehnologııalyq damý modeline ótýde, onyń ishinde jasyl, eko­lo­gııalyq taza, energııa únemdeı­tin jáne qaýipsiz tehnologııalar­dy engizý, ekologııalyq daǵda­rys­tardyń saldaryn jeńildetý men qorshaǵan ortany qorǵaý boıyn­sha bastamalardy júzege asyrý, sondaı-aq týrızmdi turaq­ty damý faktory retinde paıdalanýda biz óz kúshimizdi birik­tirýimiz kerek. Sarapshylar men IT mamandarynyń turaqty plat­formasyn, sondaı-aq túrki elde­riniń qorshaǵan ortany qorǵaý qurylymyn qalyptastyrý boıyn­sha shtab-páterin Aral boıyn­da – ekologııalyq apattan eń kóp zardap shekken aımaqta qurý bas­tamasy osyǵan baǵyttalǵan.

Elderimizdiń damýyndaǵy jas­tardyń róli artyp kele jatqa­nyn eskere otyryp, sondaı-aq olardyń áleýetin tolyq iske asyrý maqsatynda biz túrki áleminde 2022 jyldy Jastar bastamalaryn qoldaý jyly dep jarııalaýdy usyndyq.

Túrki memleketteri orasan zor resýrstarǵa ıe –  tarıhı-mádenı jáne rýhanı muraǵa eń baı memleket ekenine senimdimin, orasan zor ıntellektýaldyq jáne ekonomıkalyq áleýet, tole­ranttylyq dástúrleri men aǵartýshylyq – adamzat aldynda turǵan jahandyq máselelerdi sheshýde barǵan saıyn mańyzdy ról atqaratyn bolady», dedi О́zbekstan Prezıdenti.

 

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar