Joǵary dárejede ótken kezdesýde taraptar Qazaqstan boksynyń damýyna jan-jaqty toqtaldy. Mańyzdy máselelerdiń biri retinde mektepter men joǵary oqý oryndarynda boks sportyn damytý jaıy talqylandy.
Sonymen qatar AIBA-nyń basshysy Qazaqstanǵa sapary aıasynda jas boksshylarmen jattyǵý ótkizdi. Elordadaǵy «Boks ortalyǵynda» ótken is-shara Ýmar Nazarovıchtiń alǵy sózimen bastalyp, artynsha jattyǵýǵa ulasty. Nur-Sultan qalasynyń aǵa jattyqtyrýshysy Asqar Erkebaev ótkizgen jattyǵýǵa júzden asa sportshy qatysty.
AIBA prezıdenti Qazaqstanda ósip kele jatqan jas býyn boksshylardyń qabiletine tańdanysyn jasyrmady.
– Qazaqstan – boks derjavasy. Ony jaqynda Serbııada ótken álem chempıonatynan baıqaýǵa bolady. Men munda boksshylardyń qalaı daıyndalyp jatqanyn, jattyqtyrýshylar qalaı jumys istep jatqanyn kórý úshin keldim. Qazirgi ýaqytta AIBA tarapynan tóreshilikke qatysty reformalar júrgizilip jatyr jáne biz birinshi kezekte bokstyń adal jáne ashyq bolǵanyn qalaımyz, – dedi Ýmar Krem-
lıov.
