Qoǵam • 06 Jeltoqsan, 2021

Qurylys kompanııalary Otbasy bank salymshylaryna 3 mln teńgege deıin jeńildik jasady

23 ret kórsetildi

Jýyrda Shymkenttegi «Kórme ortalyǵynda» Otbasy bankiniń qalalyq fılıaly uıymdastyrǵan jyljymaıtyn múlik jármeńkesi ótti. Atalǵan is-sharaǵa qurylys kompanııalary, bank keńesshileri men jergilikti ákimdik ókilderi qatysty. Jármeńke barysynda kelýshiler turǵyn úılerdi salystyryp, tańdap, turǵyn úı qurylysyn salýshy kompanııanyń ózinen tikeleı jeńildikter aldy.

Sondaı-aq Otbasy bank keńes­shileri turǵyndarǵa nesıe tólem­derin eseptep, aldyn ala maquldaý qujattaryn daıyndap berdi. О́z kezeginde, bankten oń nátıje alǵan salymshylarǵa qurylys kompanııalary 3 mln teńgege deıin jeńildik usyndy.

Otbasy bank salymshylary qu­rylys salýshylardan daıyn pátermen birge paıdalanýǵa endi tapsyrylatyn páterlerdi de satyp ala alady. Nesıe mólsherlemesi 5-8,5% (JTSM 9%-dan bastap) ara­lyǵyn quraıdy. Kúni boıy jal­ǵasqan jármeńkede kelýshilerge 40 shaqty turǵyn úı keshenin salǵan, myńnan astam páter usynǵan on­shaq­ty qurylys kompanııasynyń ónim­derimen, jumysymen tanysýǵa múmkindik týdy. Qysqasyn aıtqanda, úshinshi megapolıste ótken jyljymaıtyn múlik jármeńkesi qurylys kompanııalaryn, bank keńesshilerin jáne jergilikti ákimdik ókilderin bir arnaǵa toǵystyrǵan mańyzdy ári aýqymdy is-shara boldy. Sol arqyly qala turǵyndary baspana máselesi boıynsha ár mekemege júgirmeı, jármeńkeniń múmkindigin paıdalanyp, ózine kerekti búkil málimetke «Kórme ortalyǵynan» qol jetkizip qaıtty.

Bank ókilderiniń aıtýynsha, qa­zirgi tańda shymkenttikter arasynda baspanaly bolý nıetimen Otbasy bankinde qarajat jınap jatqandar sany kóp. Bıylǵy jyldyń ózinde 35 125 azamat jańa depozıt ash­qan. Salymdarǵa degen úlken sura­nys nesıe mólsherlemesiniń qol­jetimdi bolýymen túsindiriledi. Alǵashqy jarnany toltyrý úshin depozıtke qarajat jınasa bolady. Sosyn salymshylarǵa tómengi mólsherlememen nesıe alýǵa múm­kindik beriledi. Jyl basynan beri
3 527 qala turǵyny osy múmkindikti paıdalanyp, qonys toıyn toılap úlgerdi.

Solardyń biri Shymkenttegi «Qa­zyna» atty №20 balabaqshada qyzmet atqaratyn Gúlnar Qudaı­bergenova Turan 2 shaǵyn aýdanynan jýyrda 1 bólmeli páter aldy.

– О́tken qazan aıynda Otbasy bank arqyly páterli boldym. Úıdi alardan buryn 4 jyl qatarynan depozıtke aqsha quıyp turdym. Shamama qaraı banktiń salymyna jınaı berdim. Biraq salymdardyń arasyn úzgen joqpyn. Osy 4 jyldyń ishinde 900 myń teńgedeı qarajat jınadym. Otbasy banki de qarjy jaǵynan kómektesip turdy. Iаǵnı ár jyl saıyn maǵan 100 myń teńgeniń ústinde memlekettik syılyqaqy taǵaıyndalyp otyrdy. Páterdiń quny 8,7 mıllıon teńge boldy. Qazir aı saıyn 65 myń teńge tólep júrmin. Ipotekalyq nesıe quny 5 paıyzdy quraıdy. Eldar esimdi balam bar. Jasy 23-te. Ol da búgingi tańda Otbasy bankinen shot ashyp, soǵan ózi qarajat jınap jatyr. Baspanaly bolyp, tórt qubylamyz teńelip qaldy. Buǵan deıin týystardyń úıinde turdyq, qansha jaqynyń bolsa da báribir qysylady ekensiń. Úıdiń ishi keń, jyly, óte yńǵaıly. Osydan jeti jyl buryn ákimdik arqyly páter kezegine turǵanmyn. Páterdi 9 qa­batty úıdiń 5-qabatynan aldym. Jedel­saty jumys istep tur. Son­dyqtan barsha jurtty memleket­tiń qarapaıym turǵyndarǵa berip otyrǵan osyndaı múmkindigin paıdalanyp qalýǵa shaqyramyn, – dedi Gúlnar Qudaıbergenova.

Memlekettik «Shańyraq» baǵ­dar­lamasymen úı alǵan jandardyń biri Shyrynkúl Esenbekova da Otbasy bankiniń usynǵan jeńildikterine dán rıza. О́ziniń aıtýynsha, ıpotekalyq nesıeni 13 jyl boıy tólemek. So­nyń 8 jylynda aı saıyn 65 myń teńgeden bankke aqsha aýdarsa, qalǵan 5 jylynda aıyna 35 myń teńgeden tólem jasaıdy.

– Munyń aldynda eki jyl pá­ter kezegine turyp, Otbasy bankine 3 jyl qatarynan qarajat jınap júrdim. Sosyn ótken aıdyń sońynda bankten habarlasyp: «Qut­tyqtaımyz, siz úıli boldyńyz, kelip páter kiltin alyp ketińiz!» degende shyny kerek, qýanyshtan tóbem kókke eki eli jetpeı qaldy. Bárinen buryn óz baspanamyzǵa qol jetkizgenimizge bala-shaǵam qatty qýandy. Inimniń úıinde tegin tursam da óz úıińe, qarashańyraǵyńa bá­ri­bir eshnárse jetpeıdi ǵoı. О́zim­­niń eki qyzym bar. Úlkeni turmys­ta. Odan nemere súıip otyrmyn. Qazir sol qyzym balalaryma dep álden qamdanyp, bala-shaǵasynyń atynan bankten shot ashyp, aqsha jınap jatyr. Endigi kezekte alǵan jańa páterimniń ishin jıhaz­ben jabdyqtaý máselesine kiriskeli júrmin, – deıdi shattyq kóńili áli júzinen ketpegen Shyrynkúl Esenbekova.

Al úı nemese páter alýǵa she­shim qabyldaı almaı júrgender, ıaǵnı turǵyn úı máselesine áli belsene kirispeı jatqan bank salym­shylarynyń depozıtterine jyl saıyn 2% syıaqy jáne 20% mem­lekettik syılyqaqy qosylyp otyrady. Osy arqyly bank klıentterge baspana qarajatyn tezirek jınaqtaýǵa kómektesedi.

– Jyljymaıtyn múlik jár­meńkesi Shymkent qalasynda alǵash ret uıymdastyrylyp otyr. Osy is-sharada qurylys kompanııalary kelgen qonaqtarǵa qazir salynyp jatqan nemese bolashaqta turǵyzylatyn úıler jaıly aqparatpen bólisti. Negizinen úıler Shymkentte úsh túrli sanatta salynýda. Ol bıznes klass, komfort jáne ekonom klass sanattary. Klıent jaǵdaıyna qaraı osy úsheýdiń ishinen bireýin tańdaýǵa quqyly. Jármeńke barysynda atalǵan sanattaǵy úılerge jeke kompanııalarmen nesıelik kelisimshart arqyly qol jetkizse bolady. Otbasy banki memlekettik baǵdarlamalar boıynsha da jumys júrgizedi. Sonyń biri – «Baqytty otbasy» baǵdarlamasy. Joba boıynsha Shymkentke 400 páter qarastyrylǵan. Búgingi kúnniń ózinde 257 azamat baǵdarlama aıasynda baspanaly bolyp ta úlgerdi. Bul baǵdarlamanyń kómegimen memleket tolyq emes jáne kópbalaly otbasylar men múmkindigi shek­teýli jandardyń tezirek úıge qol jetkizýin kózdeıdi. Úmitker páter­diń 10 paıyzdyq jarnasyn aldyn ala quıady jáne 20 jylǵa ıpo­tekalyq nesıe rásimdeledi. Klıent­ter memlekettik «Shańyraq» baǵ­darlamasy boıynsha da úı quny­nyń 10 paıyzyn aldyn ala tólep, birinshi naryqtan baspana alýǵa múmkindikteri bar. Munda úıdiń eń joǵarǵy quny 15 mıllıon teńgeden aspaýǵa tıis, – deıdi «Otbasy bank» AQ Shymkent qala­lyq fılıaly­­nyń dırektory Dáýren Saýdabaev.

Dáýren Muratulynyń aıtýynsha, bıyl Shymkent qalasynda 3,5 myń adam Otbasy bank arqyly óziniń turǵyn úı máselesin jaqsartqan. Qala turǵyndarynyń jalpy jınaq kólemi 90 mıllıard teńgege jetken.

 

Á. NURJIGITULY

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar