«Neftehım Arena» sport kesheninde ótken kezdesýdiń birinshi taımynda oıynshylar bir-biriniń qaqpasynan sańylaý taba almady. Ekinshi 20-mınýtta arenaǵa jınalǵan jankúıerler úsh shaıbanyń kýási boldy. Matchtyń 30-mınýtynda aıdyn ıelerinen Sergeı Kýpsov esepti ashsa, arada úsh mınýt ótkende Pavel Porıadın «Neftehımıktiń» basymdyǵyn nyǵaıta tústi. Degenmen kezeń sońynda «Barys» oıynshylary esep aıyrmasyn qysqartýǵa múmkindik aldy. Shaıba avtory – Roman Starchenko.
Sheshýshi kezeńde jerlesterimiz jeńis úshin baryn saldy. 48-mınýtta Kırıll Savıskıı qarsylas qaqpashysynyń qateligin tıimdi paıdalanyp, tablodaǵy kórsetkishti 2:2-ge jetkizse, sálden keıin Kertıs Volk elordalyqtardy esepte alǵa shyǵardy. Al kezdesýdiń aıaqtalýyna bir mınýt qalǵanda Tomash Iýrcho shaıbany bos qalǵan qaqpaǵa dál baǵyttap, oıynnyń núktesin qoıdy – 2:4.
