Erler arasyndaǵy básekeler AIBA-nyń jańa erejesi boıynsha 13 salmaq dárejesinde ótedi. Bul birinshilikten jýyrda ǵana Serbııa astanasy – Belgradtaǵy álem birinshiliginde júlde alǵan boksshylar bosatylǵan. Atap aıtqanda, jankúıerler Oraldaǵy sharshy alańda álem chempıondary – Temirtas Júsipov (48 kg) pen Sáken Bıbosynov (51 kg), kúmis júldegerler – Sabyrhan Mahmud
(54 kg), Serik Temirjanov (57 kg) jáne qola medal ıegeri Abylaıhan Júsipovtiń ónerin tamashalaı almaıdy.
Sondaı-aq bas bapker Qaırat Sátjanovtyń sheshimi boıynsha Aslanbek Shymbergenov (71 kg) pen Tokıo Olımpıadasynyń qola júldegeri Qamshybek Qońqabaev (+92 kg) ta bıylǵy dodaǵa qatyspaıdy. Qońqabaev osy aıda kásipqoı bokstaǵy kezekti jekpe-jegin ótkizetinin de aıta keteıik. Al qalǵan boksshylardyń bári ulttyq qurama sapyna qosylý úshin el chempıonatynda baq synaıdy.
