Qazaqstan • 07 Jeltoqsan, 2021

Kóp saýaldyń jaýaby qamtylǵan

56 ret kórsetildi

Elbasynyń el gazeti «Egemen Qazaqstan» gazetine shyqqan «Táýelsizdik taǵylymy» atty maqalasyn eń áýeli jastar oqýy kerek dep oılaımyn. О́ıtkeni qazir el ishinde Qazaqstannyń Keńes Odaǵynyń quramynan eń sońǵy respýblıka bolyp shyqqanyn san saqqa júgirtetinder kóp. Bul maqalada sol saýalǵa naqty jaýap berilgen. Jalpy, Táýelsizdiktiń bizge qandaı jolmen kelgenin naqty bilgisi keletinder úshin maqalada kóp dúnıe qamtylǵan.

M.Gorbachev qanshalyqty jantalasa qımyldap, Odaqty saqtap qalýǵa áreket etkenimen, KSRO-nyń ydyraýyn toqtatý múmkin emes edi. Aldymen Estonııa, Lıtva jáne Latvııa táýelsizdigin jarııalady. 1991 jyldyń tamyz-jeltoqsan aılarynda qalǵan respýblıkalar túgeldeı óz táýelsizdigin jarııa etti. Elbasy aıtqan­daı, saıasattyń qyzýy kóterilip, Gorbachev pen Elsınniń teketiresi shegine jetip, bir kezderi temirdeı tártipke negizdelgen orta­lyqtaǵy basshylyqtan bereke ketken sol tusta Qazaqstan tarapynan jibe­ril­gen jalǵyz qateliktiń ózi orny tolmas tra­ge­dııaǵa ákelip soqtyrýy ábden múmkin edi.

Nursultan Ábishuly ashýdy aqyl­ǵa, asyǵystyqty sabyrǵa jeńdirip, áliptiń artyn baǵyp, ańysyn ańdýdyń nátıjesinde, Qazaqstandy eshqandaı qatelikke uryndyrmaı táýelsiz memleket etti. Elbasyna bul jolda batyl qımyldaý úshin búkilhalyqtyq man­dat kerek edi. Osylaısha, 1991 jyldyń 1 jel­toqsanynda el tarıhyndaǵy tuń­ǵysh Prezıdenttik saılaý ótkizilip, onda halyqtyń 98 paıyzdan astamy Nursultan Ábishulyna qoldaý bildirdi. Alǵashqy saılaýǵa bárimizdiń bir adamdaı jumyla qatysqanymyz áli esimde. Biz aldaǵy bolashaqty sol joly Elbasynyń qolyna senip tapsyrdyq jáne onyń durys qadam bolǵanyn naqty sezindik.

Nursultan Nazarbaevtyń «Aldymen – ekonomıka, sodan keıin – saıasat» ustanymyn ustanýy Qazaqstannyń qa­ryshtap damýyna jol ashty. Egemen­diktiń eleń-alań shaǵynda Qazaq­stan­dy ekonomıkalyq jańǵyrýǵa, ınfra­qury­lymdy jańartý jáne shıkizat­qa táýeldilikten aryltýǵa bastaýy da son­dyqtan. Bul rette talaı kásiporyn­nyń tynysyn ashqan ındýstrııalan­dyrý re­formasyn atap ótpeske bolmaıdy. Qazaqstan óziniń ónerkásiptik bazasyn damytýǵa ıek artyp, ındýstrııalyq-ın­no­vasııalyq damýdyń úsh baǵdarlamasy qabyldandy. Sonyń nátıjesinde 9 trıllıon teńgege 1 500 joba júzege asyryl­dy. Qazaqstan buryn óndirilmegen ónimder – elektrovoz, avtobýs, avtomobıl, temir jol vagondary, transfor­matorlar jáne basqa da 500-den astam ónim túrin shyǵara bastady. Osy baǵdar­la­ma­nyń nátıjesinde, ózim turyp jatqan Ekibastuz qalasy da damýdyń dańǵyl jolyna tústi, Qazaqstandaǵy temir ­jol klasteri qalyptasqan shaharǵa aınaldy.

Bas basylym arqyly halqymen oı bólisken Elbasymyz aman, elimiz tynysh bolsyn! Táýelsizdiktiń toıy qutty bolsyn!

 

Ryshat ÁMIRENOV,

Qazaqstannyń Eńbek Eri

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar