Aımaqtar • 07 Jeltoqsan, 2021

Jarym kóńil balalarǵa bardy

36 ret kórsetildi

El Táýelsizdiginiń 30 jyldyǵy men Jeltoqsan oqı­ǵa­synyń 35 jyldyǵyna oraı ótip jatqan «Pat­rıot­tyq rýh – basty qundylyq» jobasy aıasynda Almaty qalasyndaǵy jeltoqsandyqtar balalar úılerinde qaıy­rym­dylyq sharalaryn jalǵastyryp jatyr.

Jeltoqsandyqtar aldymen Medeý aýdanynda ornalasqan «Januıa» balalar úıine bardy. Munda damýynda aýyt­qý­shylyǵy bar 100-ge tarta bala tárbıelenip jatyr eken. Jeltoqsanshy aǵa-apalarymen kezdesýge birneshe toptyń balalary qatysty. Qalǵan balalar aptasyna 3 ret baratyn sporttyq jattyǵýda kórinedi. Sharaǵa kelgen jeltoqsanshy aǵa-apalarynyń áńgimesin ynta qoıyp tyńdaǵan balalar qyzyqtyrǵan suraqtaryn qoıyp, ashyq áńgimege aralasyp otyrdy. Tipti óleń oqyp, án aıtqandary boldy. О́zin Borıspin dep ta­nys­tyr­ǵan bala qazaqshany ana tili retinde meńgergenimen maq­tansa, Nastıa qazaqsha án shyrqady. Balalarǵa táttiler, oıynshyqtar, qajetti oqý qu­ral­daryn syılaǵan jel­toq­sanshylardyń ózderi de jaqsy kóńil kúımen tarqasty.

Al «Perzent» otbasylyq balalar úıine barǵan jel­toq­san­dyqtar ımandy bal­dyr­ǵandardy kórip tánti boldy. Kip-kishkentaı balalardyń ártúrli ult ókili bolsa da qa­zaqsha saırap, Qurandy oqy­ǵan­da rıza bolmaıtyn jan bolmas sirá. Tipti kishkene balanyń oqyǵan Quranyna rıza bolǵan arabtar Ámına apaǵa meshit salyp berýge ke­li­sipti. Búginde meshittiń qu­rylysy bastalǵan eken.

Balalarǵa súısingen jel­toq­sanshy Árip Qablanov: «Kish­kentaı balanyń oqyǵan Quranyna kóńilim tolqyp, kózime jas aldym. Bizdiń qo­ǵamda mundaı tastandy bala­lar bolmaýy tıis qoı. О́ki­nish­ke qaraı bar bolyp tur. Ámına apanyń sonsha balany baýyryna basyp, ımandy etip tárbıelep otyrǵany – úlken erlik. Olar bizden emes, biz olardan taǵylym alyp qaıtqandaımyz», degen rıza­ly­ǵyn bildirdi.

Taǵylymdy sharalardy Al­maty qalasy qoǵamdyq damý basqarmasynyń qol­daýy­men Halyqaralyq «Jan­a­shyr» qo­ǵam­dyq qory uıym­das­tyr­dy.

 

ALMATY

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar