A tobynda «VıtEn» (Belarýs), «Aner-Vılnev» (Fransııa) jáne «Tıýmen» (Reseı) komandalarymen synǵa túsken «Qaırat» birinshi týrda «VıtEn» ujymynan 3:2 esebimen basym tústi. Bul oıynda almatylyqtar sapynan Savıo, Albert Aqbalyqov jáne Shyńǵys Esenamanov mergendik tanytty. Kaka shákirtteri keıingi týrda Fransııanyń «Aner-Vılnev» klýbymen sheberlik baıqasty. Tartysty ótken oıynda komandalardyń kúshteri teń boldy – 3:3. «Qaırat» sapynan Edson bir gol salsa, Dıego dýbldiń avtory atandy.
Sheshýshi týrda «Qaırat» Reseıdiń «Tıýmen» komandasymen oınady. Qazaqstandyq klýbqa bul oıynda tek jeńis qana kerek edi. Sebebi «Qaırat» jeńiske jetken jaǵdaıda ǵana týrnırdiń bas júldesi úshin ótetin jarysqa joldama ala alady. Alaıda mańyzdy oıynda Kaka shákirtteri úsh upaı oljalaı almaı, 3:2 esebimen jeńilip qaldy. Sóıtip bizdiń toptan «Tıýmen» kelesi kezeńge shyqty.
