«Gaz ballondaryn paıdalaný boıynsha jaqynda qaıǵyly oqıǵalar oryn aldy. Shortandyda birden úsh adam qaıǵyly jaǵdaıǵa ushyrady. Onyń ekeýiniń denesin 90%-dan astam kúıik shalyp, Nur-Sultan qalasynyń medısınalyq mekemelerinde qaıtys boldy», dedi mınıstr.
TJM basshysy adamdar ne istep jatqandaryn ózderi túsinbeıinshe, eshqandaı da ınspeksııa olardyń túsinigin almastyra almaıtynyn aıtty.
«Úı ıesi ballondy ákelip, jylytý qurylǵysynyń janyna ornatqan. Osylaısha bul jaǵdaı týystary men jaqyndarynyń ólimine sebep boldy. Bul – adamnyń birinshi kinási. Al ekinshi kiná – qazir tekserilip jatqan qylmystyq is. Iаǵnı kólikterge arnalǵan janarmaı quıý beketinde gaz ballondarǵa janarmaı quıýǵa tyıym salynady. Osyny bile tura, ol ballondy toltyrady. Sondyqtan ákimdikter tehnıkalyq ınspeksııalar qansha qursa da, adamdar ózderi apattyń saldaryn túsinbese, bári beker», dedi Iýrıı Ilın.
Buǵan deıin Aqmola oblysynyń Shortandy kenti Lıneınaıa kóshesinde gaz ballony jarylyp, 3 adam qaza tapqany týraly jazǵan bolatynbyz. Oqıǵa saldarynan taǵy 11 adam zardap shekti.
